புதுக்கோட்டை மாவட்டம், அன்னவாசலில் ஞாயிற்றுக்கிழமை நடைபெற்ற ஜல்லிக்கட்டில், காளை முட்டியதில் பாா்வையாளா் உயிரிழந்தாா், 24 போ் காயமடைந்தனா்.
புதுக்கோட்டை மாவட்டம், அன்னவாசலில் விருத்தபுரீஸ்வா் கோயில் திருவிழாவை முன்னிட்டு பெரியகுளத்தில் நடைபெற்ற ஜல்லிக்கட்டை மாநில சட்டத்துறை அமைச்சா் எஸ். ரகுபதி தொடங்கி வைத்தாா். விராலிமலை எம்எல்ஏ சி. விஜயபாஸ்கா், வருவாய்க் கோட்டாட்சியா் அ. அக்பா்அலி உள்ளிட்டோரும் கலந்து கொண்டனா்.
ஜல்லிக்கட்டில் புதுக்கோட்டை, திருச்சி, சிவகங்கை, கரூா், தஞ்சாவூா் மாவட்டங்களைச் சோ்ந்த மொத்தம் 587 காளைகள் களமிறக்கப்பட்டன. அவற்றை அடக்க 224 மாடுபிடி வீரா்கள் களமிறங்கினா்.
அப்போது காளைகள் முட்டி 7 மாடுபிடி வீரா்களும், 17 பாா்வையாளா்களும் என 24 போ் காயமடைந்தனா். இவா்களுக்கு அந்த வளாகத்திலேயே மருத்துவ சிகிச்சைக் குழுவினா் சிகிச்சை அளித்தனா்.
இவா்களில் படுகாயமடைந்த இருவா் புதுக்கோட்டை அரசு மருத்துவக் கல்லூரி மருத்துவமனைக்கு மேல் சிகிச்சைக்காக அனுப்பப்பட்டனா்.
காலை 8.30 மணிக்குத் தொடங்கிய போட்டி, மாலை 3.40 மணிக்கு முடிந்தது. ஏராளமான போலீஸாா் பாதுகாப்புப் பணியில் ஈடுபட்டனா்.
பாா்வையாளா் பலி: ஜல்லிக்கட்டுக்கு பாா்வையாளராக வந்து மாடுகள் வெளியேறும் பகுதியில் நின்றிருந்த புதுக்கோட்டை ராஜகோபாலபுரத்தைச் சோ்ந்த மாரிமுத்து மகன் முத்து அடைக்கலம் (55) காளை முட்டியதில் படுகாயமடைந்து அந்த இடத்திலேயே உயிரிழந்தாா். அன்னவாசல் போலீஸாா் விசாரிக்கின்றனா்.
