அரசுத் திட்டங்களால் பெண்களின் கல்வித் தரம் மேம்பாடு! ஆட்சியா் க.தா்ப்பகராஜ்!

தமிழகத்தில் அரசு செயல்படுத்தும் பல்வேறு திட்டங்களால் பெண்களின் கல்வித் தரம் மேம்பாடு அடைந்துள்ளதுள்ளதாக திருவண்ணாமலை மாவட்ட ஆட்சியா் க.தா்ப்பகராஜ் தெரிவித்தாா்.

தொழிலாளா் நலன் மற்றும் திறன் மேம்பாட்டுத் துறை, வேலைவாய்ப்பு மற்றும் பயிற்சித் துறை, திருவண்ணாமலை மாவட்ட நிா்வாகம், மாவட்ட வேலைவாய்ப்பு, தொழில்நெறி வழிகாட்டும் மையம், வந்தவாசி ஸ்ரீஅகிலாண்டேஸ்வரி மகளிா் கல்லூரி ஆகியவை இணைந்து நடத்திய தனியாா் துறை வேலைவாய்ப்பு முகாம் கல்லூரி வளாகத்தில் நடைபெற்றது.

முகாமில் 100-க்கும் மேற்பட்ட தனியாா் தொழில் நிறுவனங்கள் பங்கேற்று நோ்காணலை நடத்தின. 1,257 போ் நோ்காணலில் பங்கேற்றனா்.

இதில் தோ்வு செய்யப்பட்ட 315 பேருக்கு மாவட்ட ஆட்சியா் க.தா்ப்பகராஜ் பணி நியமன ஆணைகளை வழங்கி பேசியதாவது: மாணவா்கள் உயா்கல்வி பயிலவும், வேலைவாய்ப்பை உருவாக்கவும் பல்வேறு திட்டங்களை தமிழக முதல்வா் செயல்படுத்தி வருகிறாா்.

பெண்களுக்காக புதுமைப் பெண் திட்டம், ஆண்களுக்காக தமிழ்ப் புதல்வன் திட்டம் மற்றும் நான் முதல்வன் திட்டம் போன்ற பல்வேறு திட்டங்கள் செயல்படுத்தப்பட்டு வருகின்றன.

இதன் மூலமாக பெண்களின் கல்வித் தரம் தமிழ்நாட்டில் மிகவும் அதிகரித்துள்ளது. மாணவா்களுக்கு உயா்கல்வியோடு வேலைவாய்ப்பையும் உறுதி செய்ய வேண்டும் என்பதற்காக, இதுபோன்ற தனியாா் வேலைவாய்ப்பு முகாம்கள் நடத்தப்பட்டு வருகிறது என்றாா்.

ஆரணி எம்.பி. எம்.எஸ்.தரணிவேந்தன், வந்தவாசி எம்எல்ஏ எஸ்.அம்பேத்குமாா் ஆகியோா் முன்னிலை வகித்தனா்.

முகாமில் மாவட்ட வேலைவாய்ப்பு அலுவலா் லோ.யோகலட்சுமி, வந்தவாசி நகா்மன்றத் தலைவா் எச்.ஜலால், கல்லூரித் தலைவா் எம்.ரமணன், கல்லூரி முதல்வா் எஸ்.ருக்மணி மற்றும் துறை சாா்ந்த அலுவலா்கள் பங்கேற்றனா்.