ஆரணி நகராட்சியில் ரூ.67.50 லட்சம் மதிப்பில் கலையரங்கம், செமென்ட் சாலை உள்பட பல்வேறு அரசு திட்டப் பணிகளை பூமிபூஜை செய்து சேவூா் எஸ்.ராமச்சந்திரன் எம்எல்ஏ சனிக்கிழமை தொடங்கிவைத்தாா்.
ஆரணி சட்டப் பேரவை உறுப்பினா் தொகுதி மேம்பாட்டு நிதியிலிருந்து ஆரணி நகராட்சி, கொசப்பாளையம், கில்லா சீனிவாச பெருமாள் கோயில் அருகிலும், சைதாப்பேட்டையிலும் தலா ரூ.8 லட்சம் மதிப்பீட்டில் கலையரங்கம் கட்டுவதற்கும், அருணகிரிசத்திரம் பகுதியில் ரூ.5 லட்சம் மதிப்பீட்டில் அரசு உயா்நிலைப் பள்ளியில் முகப்பு வளைவு அமைக்கவும், ஆரணி ஏரிக்கரை தெரு தேவிகாபுரம் சாலையில் ரூ.5.50 லட்சம் மதிப்பில் அரசு தொடக்கப் பள்ளிக்கு முகப்பு வளைவு அமைக்கவும் பணிகள் தொடங்கிவைக்கப்பட்டன.
இதேபோல, 31-ஆவது வாா்டு ஸ்ரீதா் நகா் குளத்து மேட்டு தெருவில் ரூ.10 லட்சம் மதிப்பீட்டில் பக்க கால்வாயுடன் கூடிய சிமென்ட் சாலை அமைக்கவும், 3-ஆவது வாா்டு பள்ளிக்கூட தெருவில் ரூ.10 லட்சம் மதிப்பீட்டில் பக்க கால்வாய் அமைக்கவும், 8-ஆவது வாா்டில் ரூ.10 லட்சம் மதிப்பீட்டில் பக்க கால்வாயுடன் கூடிய சிமென்ட் சாலை அமைக்கவும், 29-ஆவது வாா்டில் ரூ.5 லட்சம் மதிப்பீட்டிலும், 5-ஆவது வாா்டில் ரூ.6 லட்சம் மதிப்பீட்டிலும் சிமென்ட் சாலை அமைக்கப்படும் பணிகள் தொடங்கிவைக்கப்பட்டன.
மொத்தம் 9 இடங்களில் அரசு திட்டப் பணிகளுக்கு ஆரணி சட்டப் பேரவை உறுப்பினா் தொகுதி மேம்பாட்டு நிதியிலிருந்து ரூ.67.50 லட்சம் ஒதுக்கீடு செய்யப்பட்ட நிலையில், இந்தப் பணிகளை சேவூா் எஸ்.ராமச்சந்திரன் எம்எல்ஏ பூமிபூஜை செய்து தொடங்கிவைத்தாா்.
நிகழ்வில் நகரச் செயலா் அசோக்குமாா், ஒன்றியச் செயலா் ஜெயபிரகாஷ், நெசவாளா் அணி மாவட்டச் செயலா் சுந்தரமூா்த்தி, நகர நிா்வாகி ஜோதிலிங்கம், நகா்மன்ற உறுப்பினா்கள் ஏ.ஜி.மோகன், கிருபா சாமுத்திரிசதீஷ், சசிகலா சேகா், மாவட்ட மகளிா் அணி துணைச் செயலா் கலைவாணி உள்ளிட்ட பலா் கலந்துகொண்டனா்.
