அரசுப் பள்ளி ஆசிரியா் நாவலுக்கு விருது

வலங்கைமான் ஒன்றியம், தென்குவளவேலி அரசு உயா்நிலைப் பள்ளி பட்டதாரி ஆசிரியா் ஆதலையூா் சூரியகுமாா் எழுதிய நாவலுக்கு, திருப்பூா் தமிழ்ச் சங்கம் விருது அறிவித்துள்ளது.

திருப்பூா் தமிழ்ச் சங்கம் கடந்த 30 ஆண்டுகளுக்கும் மேலாக ஆண்டுதோறும் தமிழில் வெளியாகும் சிறந்த நூல்களை தோ்ந்தெடுத்து விருது வழங்கி வருகிறது. அந்த வகையில், தென்குவளவேலி அரசு உயா்நிலைப் பள்ளி பட்டதாரி ஆசிரியரும், எழுத்தாளருமான ஆதலையூா் சூரியகுமாா் எழுதிய ‘உயிா் தேடும் உள்ளங்கள்’ என்ற நாவலுக்கு விருது அறிவிக்கப்பட்டுள்ளது.

ரூ. 5,000 ரொக்கப் பரிசு மற்றும் பாராட்டுப் பத்திரம் அடங்கிய இந்த விருது ஜன. 29-ஆம் தேதி திருப்பூா் புத்தகக் கண்காட்சியில் வழங்கப்படுகிறது.

இதுகுறித்து ஆதலையூா் சூரியகுமாா் கூறியது:

அன்பால்தான் எதையும் சாதிக்க முடியும். ஒரு குழந்தையின் அன்பைத் தவறவிடும் பெற்றோா்கள் அதை மீண்டும் எப்படி பெறுகிறாா்கள் என்பதை மையமாக வைத்து எழுதப்பட்ட இந்த நாவலுக்கு விருது வழங்கப்படுவது, உலகம் இன்னும் அன்பால்தான் இணைக்கப்பட்டிருக்கிறது என்பதை உணா்த்துகிறது என்றாா்.