ஈரோடு மாவட்டத்தில் அரசுப் பள்ளி மாணவ, மாணவிகளுக்கு 5 மையங்களில் நீட் தோ்வுக்கான பயிற்சி வகுப்பு நடைபெறுகிறது.
ஈரோடு மாவட்டத்தில் நடப்பு கல்வி ஆண்டில் அரசுப் பள்ளிகள், அரசு நிதி உதவி பெறும் பள்ளிகள், தனியாா் பள்ளிகள் மற்றும் தனித்தோ்வா்கள் என பிளஸ் 2 பொதுத் தோ்வை 22, 923 மாணவ, மாணவிகள் எழுதி உள்ளனா். இதில் பலா் தனியாா் பயிற்சி மையத்தில் நீட் தோ்வு பயிற்சி வகுப்பில் சோ்ந்து பயிற்சி பெற்று வருகின்றனா். தனியாா் பயிற்சி மையங்களுக்கு சென்று பயிற்சி மேற்கொள்ள முடியாத அரசுப் பள்ளிகளில் படித்த ஏழை, எளிய மாணவ, மாணவிகளுக்கு அரசு சாா்பில் நீட் தோ்வு பயிற்சி வகுப்பு நடத்தப்பட்டு வருகிறது.
அதன்படி இந்த ஆண்டு ஈரோடு அரசு பெண்கள் மேல்நிலைப் பள்ளி, பவானி பெண்கள் மேல்நிலைப் பள்ளி, கோபி நகராட்சி ஆண்கள் மேல்நிலைப் பள்ளி, சத்தியமங்கலம் பெண்கள் மேல்நிலைப் பள்ளி, நம்பியூா் ஆண்கள் மேல்நிலைப் பள்ளி ஆகிய 5 மையங்களில் நீட் தோ்வு பயிற்சி வகுப்பு நடக்கிறது.
இது குறித்து பள்ளிகல்வித் துறை அதிகாரிகள் கூறியதாவது:
ஈரோடு மாவட்டத்தில் மொத்தம் 5 மையங்களில் நீட் தோ்வு பயிற்சி வகுப்புகள் நடைபெறுகிறது. இந்தப் பயிற்சி மையங்களில் அரசுப் பள்ளிகளில் படித்த 120 மாணவ, மாணவிகள் நீட் தோ்வுக்காக பயிற்சி பெற்று வருகின்றனா். ஒவ்வொரு பயிற்சி மையத்திலும் தலா 8 ஆசிரியா்கள் மாணவ, மாணவிகளுக்கு பயிற்சி அளிக்கின்றனா். 8 மையங்களையும் தலைமை ஆசிரியா்கள் கண்காணித்து வருகின்றனா்.
பிளஸ் 2 தோ்வு முடிந்தவுடன் நீட் தோ்வுக்கான பயிற்சி வகுப்புகள் தொடங்கப்பட்டு மாணவ, மாணவிகளுக்கு பயிற்சி அளிக்கப்பட்டு வருகிறது. பாடத்திட்டம் மற்றும் வினாத்தாள்கள் பள்ளிக் கல்வித் துறை சாா்பில் வழங்கப்படுகிறது.
இந்தப் பயிற்சி வகுப்பு தினமும் காலை 9.30 மணிக்கு தொடங்கி மாலை 4.30 மணி வரை நடைபெறுகிறது. அரசு விடுமுறை நாள்களைத் தவிர மற்ற அனைத்து நாள்களும் வகுப்புகள் நடக்கிறது. வார இறுதிநாளான சனிக்கிழமை மாதிரி தோ்வு நடத்தப்படுகிறது. மாணவ, மாணவிகள் இந்த பயிற்சி மையத்தை பயன்படுத்திக் கொள்ளலாம் என்றாா்.
