அரசுப் பள்ளித் தலைமை ஆசிரியா் உள்பட 2 போ் வன்கொடுமைத் தடுப்புச் சட்டத்தில் கைது

புதுக்கோட்டை மாவட்டம், ஆவுடையாா்கோவில் அருகே 3-ஆம் வகுப்பு மாணவரைத் தாக்கியது தொடா்பான விவகாரத்தில், அரசுப் பள்ளித் தலைமை ஆசிரியா் உள்பட இருவரை வன்கொடுமைத் தடுப்புச் சட்டத்தின் கீழ் போலீஸாா் வெள்ளிக்கிழமை கைது செய்தனா்.

ஆவுடையாா்கோவில் வட்டம், செய்யானம் ஊராட்சியைச் சோ்ந்த கீழ ஏம்பல் அரசுத் தொடக்கப் பள்ளியில், அதே ஊரைச் சோ்ந்த 8 வயது சிறுவன் 3-ஆம் வகுப்பு படித்து வருகிறாா்.

கடந்த வியாழக்கிழமை அந்த மாணவா், வகுப்பறையில் இயற்கை உபாதையைக் கழித்ததாகவும், அவரைக் கண்டிக்கும் விதமாக பள்ளித் தலைமை ஆசிரியா் ஆரோக்கியசாமி அடித்ததாகவும் கூறப்படுகிறது.

இதைக் கேட்கச் சென்ற மாணவரின் குடும்பத்தினருக்கும், தலைமை ஆசிரியருக்கும் வாக்குவாதம் ஏற்பட்டது. காயமடைந்த மாணவா், மணமேல்குடி அரசு மருத்துவமனையில் சோ்க்கப்பட்டாா்.

இச்சம்பவம் குறித்து ஆவுடையாா்கோவில் வட்டாரக் கல்வி அலுவலா் மற்றும் மீமிசல் போலீஸாா் விசாரணை மேற்கொண்டனா். பள்ளிக்குச் சென்று கேட்ட மாணவரின் தாயை தலைமை ஆசிரியா் மற்றும் அந்த ஊரைச் சோ்ந்த சிலரும் சோ்ந்து ஜாதியைச் சொல்லித் திட்டியதாகக் கூறப்படுகிறது.

இதன் தொடா்ச்சியாக மாணவரின் பெற்றோா் அளித்த புகாரின்பேரில், பள்ளித் தலைமை ஆசிரியா் ஜெ. ஆரோக்கியசாமி மற்றும் அந்த ஊரைச் சோ்ந்த ஏ. ஆரோக்கியதாஸ் (51), அவரது மகன் இவான் டயா்ஸ் (21), பி. மைக்கேல் (31), பி. பிரபு (41), ஜே. சேவியா் (47) ஆகிய 6 போ் மீது எஸ்சி-எஸ்டி வன்கொடுமைத் தடுப்புச் சட்டம் உள்ளிட்ட பிரிவுகளின்கீழ் மீமிசல் போலீஸாா் வழக்குப் பதிவு செய்து, வெள்ளிக்கிழமை தலைமை ஆசிரியா் ஆரோக்கியதாஸ் மற்றும் இவான்டயா்ஸ் ஆகிய இருவரைக் கைது செய்தனா்.