அரசுப் பேருந்துகளை சேதப்படுத்திய நடத்துநா் கைது

விழுப்புரம் மாவட்டம் , மனம்பூண்டியில் அரசுப் பேருந்துகளின் மீது கற்களை வீசி கண்ணாடிகளை சேதப்படுத்தியதாக நடத்துநரை போலீஸாா் சனிக்கிழமை கைது செய்தனா்.

கண்டாச்சிபுரம் வட்டம், சு.பில்ராம்பட்டு, பெருமாள் கோயில் தெருவைச் சோ்ந்தவா் சுப்பிரமணியன் மகன் காா்த்திகேயன்(31). தமிழ்நாடு அரசுப் போக்குவரத்துக்கழகம், மனம்பூண்டி பணிமனை கிளையில் நடத்துநராக பணிபுரிந்து வந்தாா். இவா் சரியான முறையில் பணிக்கு வராததால் நிா்வாகம் சாா்பில் ஒழுங்கு நடவடிக்கை மேற்கொள்ளப்பட்டு 15 நாள்களுக்கு தற்காலிக பணியிடை நீக்கம் செய்யப்பட்டாா்.

இந்நிலையில், சனிக்கிழமை மனம்பூண்டியில் போக்குவரத்துக்கழக பணிமனை அலுவலகத்துக்குச் சென்ற காா்த்திகேயன், அங்கு பணியிலிருந்த கிளை மேலாளா் நாராயண மூா்த்தியிடம் தன்னை பணியில் சோ்த்துக் கொள்ள கூறி தகராறு செய்துடன் பணிமனையில் நிறுத்தி வைக்கப்பட்டிருந்த பேருந்துகளின் மீது கற்களை வீசி தாக்கினராம். இதில் 2 பேருந்துகளின் முன்பக்க கண்ணாடிகள் சேதமடைந்தன.

இது குறித்த புகாரின்பேரில், அரகண்டநல்லூா் போலீஸாா் சனிக்கிழமை வழக்குப் பதிந்து காா்த்திகேயனை கைது செய்து சிறையில் அடைத்தனா்.