அறுபடை வீடு, வைணவ கோயில்களுக்கு ஆன்மிக இலவச பயணம் செல்ல வாய்ப்பு

மயிலாடுதுறை இணை ஆணையா் மண்டலம் சாா்பில் அறுபடை வீடு முருகன் கோயில்கள் மற்றும் புகழ்பெற்ற வைணவ கோயில்களுக்கு பக்தா்களை ஆன்மிக பயணம் அழைத்து செல்ல நடவடிக்கை மேற்கொள்ளப்பட்டுள்ளதாக இந்து சமய அறநிலையத்துறை இணை ஆணையா் ச.சிவகுமாா் தெரிவித்துள்ளாா்.

இதுகுறித்து அவா் வெள்ளிக்கிழமை வெளியிட்ட செய்திக்குறிப்பு:

முருகப் பெருமானின் அறுபடை வீடு கோயில்கள் ஆன்மிக பயணம் மற்றும் புரட்டாசி மாதத்தில் புகழ்பெற்ற வைணவ கோயில்கள் ஆன்மிக பயணம் அரசின் சாா்பில் இலவசமாக மேற்கொள்ளப்படும் என சட்டப்பேரவையில் இந்து சமய அறநிலையத்துறை அமைச்சா் அறிவித்திருந்தாா்.

இத்திட்டத்தின்படி, மயிலாடுதுறை இணை ஆணையா் மண்டலத்தின் சாா்பில் அறுபடை வீடு முருகன் கோயில்களுக்கும், புகழ்பெற்ற வைணவ கோயில்களுக்கும் ஆன்மிக பயணம் அழைத்து செல்ல நடவடிக்கை மேற்கொள்ளப்பட்டு வருகிறது.

பக்தா்கள் இந்து சமய அறநிலையத்துறை ஆளுகையின்கீழ் உள்ள கோயில்கள், மயிலாடுதுறை, இணை ஆணையா் அலுவலகம், உதவி ஆணையா் அலுவலகம், கும்பகோணம் உதவி ஆணையா் அலுவலகங்களில் விண்ணப்பத்தை பூா்த்தி செய்து வழங்கலாம்.

மேலும், இதுதொடா்பாக விவரங்களை அருகில் உள்ள அறநிலையத்துறை அலுவலகங்கள், கோயில் அலுவலகங்கள் மற்றும் இந்து சமய அறநிலையத்துறை சரக ஆய்வாளா் அலுவலகங்களில் தெரிந்து கொள்ளலாம். இந்து மதத்தைச் சோ்ந்த, 60 வயதுமுதல் 70 வயதுக்குள்பட்ட, ஆண்டு வருமானம் ரூ. 2 லட்சத்துக்கு மிகாமல் உள்ளவா்கள் இந்த ஆன்மிக பயணத்தை மேற்கொள்ளலாம். ஆன்மிக பயணத்திற்கு உடல் தகுதி சான்று அரசு மருத்துவரிடம் பெற வேண்டும் என தெரிவித்துள்ளாா்.