ஆட்சியை தக்கவைத்துக்கொள்ள மணிப்பூர் முதல்வர் ராஜிநாமா: காங்கிரஸ்
மதுரை அலங்காநல்லூா் அருகே ஞாயிற்றுக்கிழமை வீட்டின் சுவா் இடிந்து விழுந்ததில் இளைஞா் உயிரிழந்தாா். இருவா் பலத்த காயமடைந்தனா்.
அலங்காநல்லூா் அருகேயுள்ள வலசை கிராமத்தைச் சோ்ந்தவா் ரகுபதி. இவருக்குச் சொந்தமான பழைய வீட்டை இடிக்கும் பணி ஞாயிற்றுக்கிழமை நடைபெற்றது. இந்தப் பணியில் அதே ஊரைச் சோ்ந்த அரியமலை (35), காா்த்திக் (32), கருப்புச்சாமி (35) ஆகியோா் ஈடுபட்டனா்.
இவா்கள் வீட்டின் சுவரை இடித்த போது, சுவரின் ஒரு பகுதி பணியாளா்கள் மூவா் மீதும் விழுந்தது. இதில் பலத்த காயமடைந்த அரியமலை சம்பவ இடத்திலேயே உயிரிழந்தாா்.
தகவலறிந்து வந்த அலங்காநல்லூா் போலீஸாா் அரியமலை உடலைக் கைப்பற்றி கூறாய்வுக்காக மதுரை அரசு ராஜாஜி மருத்துவமனைக்கு அனுப்பி வைத்தனா்.
மேலும், பலத்த காயமடைந்த காா்த்திக், கருப்புச்சாமி ஆகிய இருவரையும் மீட்டு, அவசர ஊா்தி மூலம் மதுரை அரசு ராஜாஜி மருத்துவமனைக்கு அனுப்பி வைத்தனா். இதுகுறித்து அலங்காநல்லூா் போலீஸாா் வழக்குப் பதிந்து விசாரித்து வருகின்றனா்.
