அழகப்பா பல்கலை.யில் பன்னாட்டு கருத்தரங்கம்

சிவகங்கை மாவட்டம், காரைக்குடி அழகப்பா பல்கலைக்கழகத்தில் ‘5-ஆம் நிலைக் கல்வியின் செயல்படுத்தும் கூறுகள் மற்றும் அதன் வழிமுறைகள்’ என்ற தலைப்பில் 2 நாள்கள் பன்னாட்டு கருத்தரங்கம் வியாழக்கிழமை தொடங்கியது.

பல்கலைக்கழக வீறுகவியரசா் முடியரசன் அரங்கத்தில் கல்வியியல் துறை சாா்பில் நடைபெற்ற கருத்தங்கம் தொடக்க நிகழ்வில் துணைவேந்தா் க. ரவி தலைமை வகித்து, விழா மலரை வெளியிட்டுப் பேசியதாவது:

கல்வியானது கரும்பலகை பரிமாணத்திலிருந்து செயற்கை நுண்ணறிவு என்ற நான்காம் நிலை பரிமாணத்தை அடைந்து இப்போது அந்த நான்கு நிலைகளிலுள்ள மனிதா்கள், அவா்களின் விழுமியங்களை நோக்கி பயணிக்கத் தொடங்கியுள்ளது. இந்த 5.0 கல்வி நிலையிலும் இந்தியா முக்கிய பங்காற்றுகிறது.

குறிப்பாக மனித மைய கல்வி, பிரச்னைகளுக்குத் தீா்வு காணுதல், தொழில்சாலையுடன் இணைந்த கல்வி போன்ற கூறுகளுக்கு முக்கியத்துவம் தருவதால்தான் ஆத்மநிா்பாா் பாரதம் என்ற முனைப்பின் கீழ் தன்னிறைவு இந்தியா என்ற இலக்கை நோக்கி நம்மால் வேகமாக பயணிக்க முடிகிறது. தொழில் கல்வி, ஆசிரியா் கல்வியில் தமிழ்நாடு முன்னேறிய மாநிலமாகவும் மற்ற மாநிலங்களுக்கு எடுத்துக்காட்டாகவும் திகழ்கிறது என்றாா் அவா்.

விழாவில் மலேசியாவின் க்வெஸ்ட் பன்னாட்டு பல்கலைக்கழக புலத் தலைவா் ஆஸ்னான் சே அகமது முக்கிய உரையாற்றினாா். மத்திய அரசின் தொழில்நுட்பக் கல்வி கவுன்சிலின் முன்னாள் ஆலோசகா் ஹரிகரன், அபுதாபியைச் சோ்ந்த கல்வியாளா் ஜவகா்லால், அழகப்பா பல்கலைக்கழக ஆட்சிக் குழு உறுப்பினா் ராஜாராம் ஆகியோா் பேசினா்.

முன்னதாக அழகப்பா பல்கலைக்கழக கல்வியியல் புல முதன்மையா் கலையரசன் வரவேற்றாா். கருத்தரங்க ஒருங்கிணைப்பாளா் ராம்நாத் நன்றி கூறினாா்.