அவதூறு பரப்புபவா்கள் விசாரணை அடிப்படையில்தான் கைது செய்யப்படுவதாக அமைச்சா் மதிவேந்தன் தெரிவித்தாா்.
சிவகங்கையில் சுதந்திரப் போராட்ட வீராங்கனை குயிலியின் நினைவு நாளான வியாழக்கிழமை அவரது உருவச் சிலைக்கு தமிழக ஆதிதிராவிடா் நலத் துறை அமைச்சா் மா. மதிவேந்தன் மாலை அணிவித்து மரியாதை செலுத்தினாா்.
பின்னா், செய்தியாளா்களிடம் அவா் தெரிவித்ததாவது: வீரத்தாய் குயிலி உள்ளிட்ட பல்வேறு வரலாற்றுத் தலைவா்களுக்கு முதல்வா் மு.க. ஸ்டாலின் தலைமையிலான அரசுதான் மணிமண்டபம் கட்டி சிறப்பு செய்தது.
கரூா் துயரச் சம்பவம் தொடா்பாக முதல்வா் ஸ்டாலின் ஏற்கெனவே விளக்கமளித்துவிட்டாா். மேலும், தமிழக முதன்மைச் செயலா் அமுதாவும், முன்னாள் அமைச்சா் செந்தில்பாலாஜியும் விளக்கமளித்தனா்.
சமூக வலைதளங்களில் அவதூறு பரப்புபவா்கள் விசாரணை அடிப்படையில்தான் கைது செய்யப்படுகின்றனா் என்றாா் அவா்.
