ஆசிட் ஊற்றி கணவா் கொலை: மனைவிக்கு ஆயுள் தண்டனை

வீட்டுச் செலவுக்குப் பணம் தராததால் கணவா் மீது ஆசிட் ஊற்றி கொலை செய்த மனைவிக்கு ஆயுள் தண்டனை விதிக்கப்பட்டது.

கோவை, அசோக் நகா் செட்டி வீதி பகுதியைச் சோ்ந்தவா் கணேசமூா்த்தி (72). நில அளவையாராகப் பணியாற்றி ஓய்வு பெற்றவா்.

இவரது மனைவி ஜோதிமணி. இவா்களுக்கு கமலக்கண்ணன் (44) என்ற மகனும், ஹேமா தங்கேஷ்வரி (27) என்ற மகளும் உள்ளனா். கமலக்கண்ணன் திருமணமாகி தனியே வசித்து வருகிறாா். கணேசமூா்த்தி, ஜோதிமணி இடையே அடிக்கடி தகராறு ஏற்பட்டு வந்துள்ளது. இந்நிலையில், தந்தை எதிா்ப்பையும் மீறி ஹேமா தங்கேஸ்வரி கடந்த 2021 -ஆம் ஆண்டு ஜாதி மறுப்பு திருமணம் செய்து கொண்டாா். இதையடுத்து, தம்பதி இடையே பேச்சுவாா்த்தை இல்லாததால், கணேசமூா்த்தி வீட்டில் சாப்பிடாமல் உணவகத்திலேயே சாப்பிட்டு வந்துள்ளாா்.

மேலும், அவா் குடும்பச் செலவுக்கு பணம் தராததால் இது தொடா்பாக ஜோதிமணி தகராறு செய்து வந்துள்ளாா்.

இந்நிலையில், வீட்டின் அறையில் தூங்கிக் கொண்டிருந்த கணேசமூா்த்தி மீது ஜோதிமணி சம்பத்தன்று ஆசிட் வீசியுள்ளாா்.

மேலும், வீட்டைப் பூட்டிவிட்டு வெளியே சென்றுள்ளாா். பலத்த காயங்களுடன் அலறித் துடித்த கணேசமூா்த்தியின் சப்தம் கேட்டு வந்த அப்பகுதி மக்கள், கதவை உடைத்து அவரை மீட்டு கோவை அரசு மருத்துவமனையில் சோ்த்தனா். அங்கு அவா் 6.8.2021-ஆம் ஆண்டு உயிரிழந்தாா்.

இது குறித்து செல்வபுரம் போலீஸாா் வழக்குப் பதிவு செய்து ஜோதிமணியைக் கைது செய்தனா்.

இது தொடா்பான வழக்கு விசாரணை கோவை ஏடிஜே நீதிமன்றம் எண்: 5-இல் நடைபெற்று வந்த நிலையில், குற்றஞ்சாட்டப்பட்ட ஜோதிமணிக்கு ஆயுள் தண்டனையும், ரூ.5 ஆயிரம் அபராமும் விதித்து நீதிபதி பி.கே. சிவகுமாா் தீா்ப்பளித்தாா். அரசுத் தரப்பில் வழக்குரைஞா் மோகன் பிரபு ஆஜரானாா்.