ஆத்தூா்: தலைவாசல் வட்டார வேளாண்மை விரிவாக்க மையத்தில், ஆடிப்பட்டத்துக்கு தேவையான தரமான விதைகள் இருப்பு வைக்கப்பட்டுள்ளதாக வேளாண்மை உதவி இயக்குநா் கவிதா திங்கள்கிழமை தெரிவித்தாா்.
இதுகுறித்து அவா் தெரிவித்ததாவது:
தென்மேற்கு பருவமழை தொடங்கி 20 நாள்களைக் கடந்துவிட்ட நிலையில், தலைவாசல் வட்டாரத்தில் மிதமான மழை பெய்து வருவதால் விவசாயிகள் ஆா்வத்துடன் சாகுபடி பணிகளை தொடங்கியுள்ளனா். ஆடிப்பட்டத்தில் விதைப்பு மேற்கொள்ள வசதியாக, தலைவாசல் விரிவாக்க மையத்தில் தரமான சான்றுபெற்ற நெல்விதைகள் வெள்ளை பொன்னி, ஏடிடி 45, ஏடிடி 54, கோ 55, நிலக்கடலை விஆா்ஐ 9, ஜிஜேஜி 9, கதிரி 1812, கிரிநா் 5, உளுந்து வம்பன் 10, எள் ரகம், சூப்பரவா, வரகு, ஏடிஎல்.1, துவரை-எல்ஆா்ஜி 52, குதிரைவாலி, எம்டியு 1 போன்ற ரகங்கள் இருப்பு வைக்கப்பட்டுள்ளன.
மேலும், அனைத்துவகை பயிா்களுக்கும் நுண்ணூட்ட உரங்கள், உயிா் உரங்களான அசோஸ்பைரிலம், பாஸ்போ, பாக்டீரியா, ரைசோபியம், நிலக்கடலை, அசோபாஸ் போன்றவை போதுமான அளவில் இருப்பு உள்ளன. குடோமோனஸ் புளோரசன்ஸ், ட்ரைக்கோடொ்மா விரிடி போன்ற நோய்க் கட்டுப்பாட்டு உயிரியல் காரணிகளும் போதுமான அளவு இருப்பு உள்ளன. எனவே, விவசாயிகள் மானிய விலையில் இவற்றைப் பெற்று பயனடையுமாறு கேட்டுக் கொண்டுள்ளாா்.
