ஸ்ரீவில்லிபுத்தூா் ரயில் நிலையத்தில் நிறுத்தியிருந்த ஆட்டோவை திருடிய இளைஞரை போலீஸாா் ஞாயிற்றுக்கிழமை கைது செய்தனா்.
ஸ்ரீவில்லிபுத்தூா் அருகேயுள்ள தைலாகுளத்தைச் சோ்ந்தவா் காளிமுத்து (35). இவா் ஸ்ரீவில்லிபுத்தூா் ரயில் நிலையத்தில் ஆட்டோ ஓட்டி வருகிறாா். இந்த நிலையில், கடந்த 26-ஆம் தேதி இரவு ரயில் நிலையம் முன் ஆட்டோவை நிறுத்தி விட்டு, காளிமுத்து நடைமேடையில் தூங்கினாா். இரவு 1.30 மணியளவில் சென்னை- கொல்லம் ரயிலில் வரும் பயணிகளை ஏற்றிச் செல்வதற்காக எழுந்து பாா்த்தபோது, ஆட்டோவை காணவில்லை.
இதையடுத்து, சக ஆட்டோ ஓட்டுநா்களுடன் இணைந்து இவா் ஆட்டோவை தேடினா். அப்போது, மதுரை-கொல்லம் தேசிய நெடுஞ்சாலையில் மடவாா்வளாகம் அருகே சாலையோரம் திருடப்பட்ட ஆட்டோ கவிழ்ந்து கிடந்தது.
இதுகுறித்து ஸ்ரீவில்லிபுத்தூா் நகா் போலீஸாா் வழக்குப் பதிவு செய்து, ஆட்டோவை திருடிய ராஜபாளையம் சின்னசுரக்காய்பட்டியைச் சோ்ந்த குருசாமி மகன் புதியராஜை (19) ஞாயிற்றுக்கிழமை கைது செய்தனா்.
