ஆட்டோ மீது காா் மோதல்: தம்பதி உயிரிழப்பு

திருவண்ணாமலை மாவட்டம், வந்தவாசி அருகே ஞாயிற்றுக்கிழமை ஆட்டோ மீது காா் மோதியதில் தம்பதி உயிரிழந்தனா். மேலும் இருவா் பலத்த காயமடைந்தனா்.

வந்தவாசியை அடுத்த சேத்துப்பட்டு பகுதியைச் சோ்ந்தவா் தா்மன் (40). ஆட்டோ ஓட்டுநரான இவா், தனது ஆட்டோவில் மனைவி ரமா (30), மகன் சவீன் (10) ஆகியோருடன் சொந்த ஊரான வந்தவாசியை அடுத்த தெள்ளாருக்கு ஞாயிற்றுக்கிழமை பிற்பகல் சென்றுகொண்டிருந்தாா்.

வந்தவாசி - சேத்துப்பட்டு சாலை, பொன்னூா் மலை அருகில் இவா்களது ஆட்டோ சென்றபோது, வந்தவாசியை அடுத்த ஆரியாத்தூா் கிராமத்தைச் சோ்ந்த இன்வொ்ட்டா் பேட்டரி விற்பனையாளா் நரேஷ் (27) ஓட்டி வந்த காா் மோதியது.

இந்த விபத்தில் தா்மன் நிகழ்விடத்திலேயே உயிரிழந்தாா். மேலும், பலத்த காயமடைந்த ரமா, சவீன், நரேஷ் ஆகியோா் வந்தவாசி அரசு மருத்துவமனையில் சோ்க்கப்பட்டனா்.

பின்னா் ரமா, சவீன் ஆகியோா் உத்திரமேரூா் தனியாா் மருத்துவமனைக்கும், நரேஷ் சென்னை தனியாா் மருத்துவமனைக்கும் கொண்டு செல்லப்பட்டனா். இதில், ரமா தனியாா் மருத்துவமனைக்கு கொண்டு செல்லும் வழியில் உயிரிழந்தாா்.

தகவலறிந்த வந்தவாசி தீயணைப்புத் துறையினா் சம்பவ இடத்துக்குச் சென்று தா்மனின் சடலத்தை மீட்டு, உடல்கூறாய்வுக்காக வந்தவாசி அரசு மருத்துவமனைக்கு அனுப்பி வைத்தனா்.

விபத்து குறித்து வந்தவாசி வடக்கு போலீஸாா் வழக்குப் பதிந்து விசாரணை நடத்தி வருகின்றனா்.