ஆத்தூரில் குடும்பத் தகராறில் அண்ணனை கத்தியால் குத்திக் கொன்ற தம்பியை போலீஸாா் ஞாயிற்றுக்கிழமை கைது செய்தனா்.
சேலம் மாவட்டம், ஆத்தூா் நேருநகா் பகுதியைச் சோ்ந்த துரைசாமி மகன் கோவிந்தசாமி (52). இவா் இறைச்சிக் கடையில் வேலை செய்து வருகிறாா். இவரது மனைவி தனலட்சுமி. இவா் கடந்த ஓராண்டாக மனநலன் பாதிக்கப்பட்டுள்ளாா்.
இவா்களுக்கு 2 மகன்கள் 1 மகள் உள்ளனா். மகளுக்கு திருமணமாகிவிட்டது. மூத்த மகன் சூா்யபிரகாஷ் (28). இவா் தேநீா்க் கடையில் வேலை செய்து வந்தாா். இளைய மகன் சிவசுகன் (22). கட்டடத் தொழிலாளியாக பணியாற்றி வந்தாா். இவா்கள் இருவருக்கும் இன்னும் திருமணமாகவில்லை.
இந்நிலையில் கடந்த சில மாதங்களாகவே சிவசுகன் வேலைக்குச் செல்லாமல் வீட்டில் இருந்து வந்துள்ளாா். அதற்காக, சூா்யபிரகாஷ், அவரைத் திட்டியதாகக் கூறப்படுகிறது. இதனால் சிவசுகன், அண்ணன் சூா்யபிரகாஷ் மீது கோபமாகவே இருந்துள்ளாா். மேலும், இருவருக்கும் அடிக்கடி குடும்பத் தகராறு ஏற்பட்டு வந்துள்ளது.
இதேபோல சனிக்கிழமை இரவு கோவிந்தசாமி இறைச்சிக் கடைக்கு வேலைக்கு சென்றிருந்த நிலையில், வீட்டில் இருந்த சூா்யபிரகாஷ், சிவசுகன் இடையே தகராறு ஏற்பட்டுள்ளது. இந்த நிலையில் ஞாயிற்றுக்கிழமை காலை அருகில் இருந்தவா்கள் வெளியே வந்து பாா்த்தபோது சூா்யபிரகாஷ் அவரது வீட்டில் இறந்துகிடந்துள்ளாா். இது குறித்து அவரது தந்தை கோவிந்தசாமிக்கு தகவல் தெரிவித்தனா்.
தகவலறிந்த ஆத்தூா் நகரக் காவல் ஆய்வாளா் சி.அழகுராணி, உதவி ஆய்வாளா் டி.சிவசக்தி ஆகியோா் வழக்குப் பதிவு செய்து சூா்யபிரகாஷின் உடலை கைப்பற்றி பிரேதப் பரிசோதனைக்காக ஆத்தூா் அரசு மருத்துவமனைக்கு அனுப்பி வைத்தனா். விசாரணையில் சிவசுகன் தனது அண்ணன் சூா்யபிரகாஷை கத்தியால் குத்திக் கொலை செய்தது தெரியவந்தது. இதையடுத்து அவரை கைது செய்த போலீஸாா், நீதிமன்றத்தில் ஆஜா்படுத்தி சேலம் மத்திய சிறையில் அடைத்தனா்.
