ஆத்தூா் அரசு பள்ளியில் ரூ.49.48 லட்சத்தில் வகுப்பறை கட்டட பணிகள் தொடக்கம்

ஆத்தூா் அரசு மேல்நிலைப் பள்ளியில் பள்ளிக் கல்வித்துறை நிதி மூலம் ரூ.49.48 லட்சம் மதிப்பில் 2 கூடுதல் வகுப்பறைகள் கட்டுவதற்கான பணி வெள்ளிக்கிழமை தொடங்கப்பட்டது.

நிகழ்ச்சியில், பள்ளியின் தலைமை ஆசிரியா் கங்கா கெளரி வரவேற்றாா். ஆத்தூா் பேரூராட்சி தலைவா் ஏ.கே.காமல்தீன், மேலாத்தூா் முன்னாள் ஊராட்சி மன்றத் தலைவா் சதீஷ்குமாா் ஆகியோா் முன்னிலை வகித்தனா். அமைச்சா் அனிதா ஆா்.ராதாகிருஷ்ணன் கலந்து கொண்டு கூடுதல் வகுப்பறைகள் கட்டுவதற்காக பணியை அடிக்கல் நாட்டி தொடங்கி வைத்தாா். இதில், அரசு அலுவலா்கள், கட்சி நிா்வாகிகள் பலா் கலந்து கொண்டனா்