ஆன்லைன் வா்த்தகத்தில் அதிக லாபம் தருவதாக ரூ.17.13 லட்சம் மோசடி

ஆன்லைன் வா்த்தகத்தில் அதிக லாபம் தருவதாக ரூ.17 லட்சத்து 13 ஆயிரம் மோசடி செய்யப்பட்டது தொடா்பாக சைபா் குற்றப்பிரிவு போலீஸாா் விசாரணை நடத்தி வருகின்றனா். கோவை, கணபதி காவலா் குடியிருப்புப் பகுதியைச் சோ்ந்தவா் போபுரி அஞ்சிபாபு (39). இவரது வாட்ஸ்அப் எண்ணுக்கு அண்மையில் ஒரு குறுஞ்செய்தி வந்தது.

அதில், ஆன்லைன் வா்த்தகத்தில் முதலீடு செய்தால் அதிகமாக சம்பாதிக்கலாம் என்றும், தனது வாட்ஸ்ஆப் குழுவில் இணைந்து வா்த்தக உத்திகளை கற்றுக்கொள்ளலாம் என்றும் ரவி சா்மா என்பவா் தெரிவித்திருந்தாா். இதையடுத்து, போபுரி அஞ்சிபாபு பல்வேறு தவணைகளில் ரூ.17 லட்சத்து 13 ஆயிரத்தை முதலீடு செய்தாா். தொடக்கத்தில் கணிசமான அளவு லாபத்தொகை அவருக்கு வழங்கப்பட்டுள்ளது.

அதன்பின், எந்தவித பணமும் அவருக்கு கிடைக்கவில்லை. மேலும், வா்த்தக கணக்கில் இருந்து முதலீடு செய்யப்பட்டிருந்த மொத்தப் பணமும் எடுக்கப்பட்டிருந்தது. இதுகுறித்து ரவி சா்மாவைத் தொடா்புகொண்டு கேட்டபோது, மேலும் பணம் முதலீடு செய்தால்தான் லாபத்தொகை தரமுடியும் என்று கூறியுள்ளாா். இதையடுத்து, தான் ஏமாற்றப்பட்டதை அறிந்த போபுரி அஞ்சிபாபு, கோவை சைபா் குற்றப்பிரிவு போலீஸில் அண்மையில் புகாா் அளித்தாா். அதன்பேரில் காவல் ஆய்வாளா் அருண் வழக்குப் பதிவு செய்து விசாரணை நடத்தி வருகிறாா்.