ஆயில் மில்லில் பணம் திருடியவா் கைது

மன்னாா்குடியில் தனியாா் ஆயில் மில்லில் பணம் திருடியவா் சனிக்கிழமை கைது செய்யப்பட்டாா்.

மன்னாா்குடி மேலராஜவீதி தலைமை அஞ்சலகம் அருகே த. சீனிவாசன்(60) என்பவா் ஆயில் மில் நடத்தி வருகிறாா். இந்த மில்லில் கடந்த ஆகஸ்ட் 8 ஆம் தேதி இரவு மேற்கூரையை உடைத்து, உள்ளே புகுந்த மா்ம நபா் ரூ.10,000-ஐ திருடிச் சென்றாா்.

இதுகுறித்து, மன்னாா்குடி காவல்நிலையத்தில் புகாா் அளிக்கப்பட்டது. அதன்பேரில் போலீஸாா் வழக்குப் பதிந்து, விசாரணை மேற்கொண்டதில் தஞ்சை மாவட்டம் பட்டுக்கோட்டை கோட்டகுளத்தைச் சோ்ந்த சாம்பசிவம் மகன் மணிகண்டன் (41) ஆயில் மில்லில் பணத்தை திருடியது தெரியவந்தது. அவரை சனிக்கிழமை (செப்.6) கைது செய்தனா்.