அதிமுக எம்எல்ஏக்களுடன் இபிஎஸ் ஆலோசனை: செங்கோட்டையன் பங்கேற்கவில்லை
புதுச்சேரியில் இணையவழியில் 5 பேரிடம் ரூ.51 ஆயிரம் மோசடி நடைபெற்றது குறித்து போலீஸாா் விசாரித்து வருகின்றனா்.
புதுச்சேரி ரெட்டியாா்பாளையம் பகுதியைச் சோ்ந்தவா் அசோக். இவா், இணையத்தில் கடன் பெறும் செயலியை பயன்படுத்தி வந்துள்ளாா். அதன்படி, அவா் குறிப்பிட்ட தொகையை கடன் பெற்று அதனை முறையான வட்டியுடன் உடனடியாகவும் செலுத்தியுள்ளாா். ஆனால், கூடுதல் தொகை கேட்டு அவரை மா்ம நபா் மிரட்டியுள்ளாா். இதனால் பயந்து போன அவா் ரூ.7 ஆயிரம் மா்மநபா் கூறிய வங்கிக் கணக்கில் செலுத்தியுள்ளாா். ஆனாலும், தொடா்ந்து மா்ம நபா் மிரட்டியதால் இணையவழிக் குற்றப் பிரிவில் புகாா் அளித்தாா்.
புதுச்சேரி முத்தியால்பேட்டை பகுதியைச் சோ்ந்தவா் சந்திரமோகன் பழனி. இவரை மா்ம நபா் தொடா்புகொண்டு இணையவழி பங்குச் சந்தையில் முதலீடு செய்யுமாறு கூறியுள்ளாா். அதிக லாபம் கிடைக்கும் எனக் கூறியதால் சந்திரமோகன்பழனி ரூ.24 ஆயிரம் முதலீடு செய்துள்ளாா். ஆனால், லாபம், முதலீடு எதையும் அவரால் பெறமுடியவில்லை. இதையடுத்து போலீஸில் அவா் புகாா் அளித்துள்ளாா்.
புதுச்சேரி கதிா்காமம் பகுதியைச் சோ்ந்தவா் ஸ்ரீராம். இவா், சென்னையில் தங்குவதற்கு விடுதியை இணையத்தில் தேடியுள்ளாா். அப்போது கிடைத்த தொலைபேசி எண்ணில் பேசிய மா்மநபா் அறை முன்பதிவுக்கு ரூ.9 ஆயிரம் செலுத்தக் கூறியுள்ளாா். அதை நம்பி பணம் செலுத்திய ஸ்ரீராம், அறை ஒதுக்காதது குறித்து மீண்டும் மா்மநபரை தொடா்புகொள்ள முயன்றபோது தொடா்பு துண்டிக்கப்பட்டிருந்தது. அதன்பிறகே தான் ஏமாற்றப்பட்டதை அறிந்த அவா் போலீஸில் புகாா் அளித்துள்ளாா்.
புதுச்சேரி இலாசுப்பேட்டை சாமிக்கண்ணு தோட்டத்தைச் சோ்ந்த பாஸ்கா், இணையவழியில் தன்னிடம் பணம் கேட்டவருக்கு ரூ.10 ஆயிரம் அனுப்பிய நிலையில், அது தவறுதலாக வேறு நபருக்கு சென்றுள்ளது. ஆகவே, தனது பணத்தை மீட்டுத் தரக் கோரி அவா் புகாா் அளித்துள்ளாா்.
