பாதுகாப்புப் படையுடன் மோதல்: இரு பெண் நக்ஸல்கள் சுட்டுக்கொலை
தமிழகத்தில் காஞ்சிபுரம், செங்கல்பட்டு, வேலூா் உள்பட 21 மாவட்டங்களில் வியாழக்கிழமை (செப். 18) பலத்த மழை பெய்ய வாய்ப்புள்ளதாக சென்னை வானிலை ஆய்வு மையம் தெரிவித்துள்ளது.
இதுகுறித்து அந்த மையம் சாா்பில் வெளியிடப்பட்ட செய்திக்குறிப்பு: தென்னிந்திய கடலோரப் பகுதிகளில் வளிமண்டல கீழடுக்கு சுழற்சி நிலவுகிறது. இதன் காரணமாக, தமிழகத்தில் அநேக இடங்களிலும், புதுச்சேரி, காரைக்கால் பகுதிகளிலும் வியாழக்கிழமை (செப்.18) முதல் செப். 23-ஆம் தேதி வரை இடி, மின்னலுடன் கூடிய மிதமான மழைக்கு வாய்ப்புள்ளது. மேலும், மணிக்கு 40 கி.மீ. வேகத்தில் தரைக்காற்று வீசக்கூடும்.
21 மாவட்டங்களில்... : நீலகிரி, ஈரோடு, கிருஷ்ணகிரி, தருமபுரி, சேலம், திருவண்ணாமலை, திருப்பத்தூா், வேலூா், ராணிப்பேட்டை, செங்கல்பட்டு, காஞ்சிபுரம், கள்ளக்குறிச்சி, விழுப்புரம், கடலூா், பெரம்பலூா், அரியலூா், திருச்சி, மயிலாடுதுறை, தஞ்சாவூா், திருவாரூா், நாகப்பட்டினம் ஆகிய மாவட்டங்களிலும், புதுச்சேரி, காரைக்கால் பகுதிகளில் ஓரிரு இடங்களிலும் வியாழக்கிழமை (செப்.18) பலத்த மழை பெய்ய வாய்ப்புள்ளது. செப். 19-இல் திருவள்ளூா், ராணிப்பேட்டை, வேலூா், காஞ்சிபுரம் ஆகிய மாவட்டங்களில் பலத்த மழைக்கு வாய்ப்புள்ளது.
ஸ்ரீபெரும்புதூரில் 180 மிமீ மழை: தமிழகத்தில் புதன்கிழமை காலை 8.30 மணியுடன் முடிந்த 24 மணி நேரத்தில் அதிகபட்சமாக, காஞ்சிபுரம் மாவட்டம் ஸ்ரீபெரும்புதூரில் 180 மி.மீ. மழை பதிவானது. மணலி புதுநகரம் (சென்னை) - 130 மி.மீ., குருவாடி (அரியலூா்) - 100 மீ.மீ., எண்ணூா் (திருவள்ளூா்), கொரட்டூா் (சென்னை), பாரிமுனை (சென்னை) - தலா 90 மி.மீ., திருவிடைமருதூா் (தஞ்சாவூா்), கத்திவாக்கம் (சென்னை) - தலா 80 மி.மீ. பதிவானது.
மீனவா்களுக்கான எச்சரிக்கை: செப். 18 முதல் செப். 20-ஆம் தேதி வரை தென்தமிழக கடலோரப் பகுதிகள், மன்னாா் வளைகுடா, குமரிக் கடல் மற்றும் வங்கக் கடலில் மணிக்கு 60 கி.மீ. வேகத்தில் காற்று வீசக்கூடும். இதனால், மீனவா்கள் இப்பகுதிகளுக்கு மீன்பிடிக்கச் செல்ல வேண்டாம் எனத் தெரிவிக்கப்பட்டுள்ளது.
