இன்று பொது விநியோகத் திட்டம் குறைதீா் முகாம்

சேலம் மாவட்டத்தில் உள்ள அனைத்து வட்டாட்சியா் அலுவலகங்களிலும் சனிக்கிழமை (ஜூன் 14) பொது விநியோகத் திட்டம் தொடா்பான குறைதீா் முகாம் நடைபெறுகிறது.

இதுகுறித்து மாவட்ட ஆட்சியா் ரா. பிருந்தாதேவி வெளியிட்ட செய்திக் குறிப்பு:

சேலம் மாவட்டத்தில் ஒவ்வொரு மாதமும் இரண்டாவது சனிக்கிழமை அனைத்து வட்டங்களிலும் பொது விநியோகத் திட்ட குறைதீா் முகாம் நடத்தப்படுகிறது. அதன்படி, மே மாதத்துக்கான முகாம் ஒவ்வொரு வட்டாட்சியா் அலுவலகத்திலும் சனிக்கிழமை நடைபெறும். பொது விநியோகத்திட்டம் தொடா்பான தங்களது குறைகளை வட்ட வழங்கல் அலுவலரிடம் நேரில் தெரிவித்து தீா்வுசெய்து கொள்ளலாம்.

குறைதீா் முகாமில் குடும்ப அட்டைகளில் பெயா் சோ்த்தல், பெயா் நீக்கம், முகவரி மாற்றம் மற்றும் புதிய குடும்ப அட்டை, நகல் அட்டை கோரும் மனுக்கள் பெற்று உடனடி நடவடிக்கை மேற்கொள்ளப்படும். மேலும் கைப்பேசி எண் பதிவு மற்றும் கைப்பேசி எண் மாற்றம் செய்வதற்கான நடவடிக்கையும் மேற்கொள்ளப்படும்.

பொது விநியோகக் கடைகளின் செயல்பாடுகள் மற்றும் அத்தியாவசியப் பொருள்களின் தரம் குறித்த புகாா்கள் இருப்பின் அதன்பேரில் உரிய நடவடிக்கை மேற்கொள்ளப்படும் என அதில் தெரிவிக்கப்பட்டுள்ளது.