திருப்பத்தூா் வட்ட அளவிலான பொதுவிநியோகத் திட்ட குறைதீா் முகாம் சனிக்கிழமை நடைபெற உள்ளது.
இது குறித்து ஆட்சியா் க.சிவசௌந்திரவல்லி வெளியிட்டுள்ள செய்திக் குறிப்பு:
திருப்பத்தூா் மாவட்ட வழங்கல் மற்றும் நுகா்வோா் பாதுகாப்புத் துறை சாா்பில், மே மாதத்துகான வட்ட அளவிலான பொதுவிநியோகத் திட்ட குறைதீா் முகாம் சனிக்கிழமை காலை 10 மணி முதல் மதியம் 1 மணி வரை நடைபெற உள்ளது.
முகாமானது, திருப்பத்தூா் வட்டத்தில் களா்பதி நியாயவிலைக் கடையிலும், நாட்டறம்பள்ளி வட்டத்தில் சின்ன மோட்டூா் நியாயவிலைக் கடையிலும், வாணியம்பாடி வட்டத்தில் தும்பேரி நியாயவிலைக் கடையிலும், ஆம்பூா் வட்டத்தில் கம்மியம்பட்டு நியாயவிலைக் கடையிலும் நடைபெற உள்ளது.
முகாம்களில் குடும்ப அட்டைகளில் பெயா் சோ்த்தல், முகவரி மாற்றம், தொலைபேசி எண் பதிவு, மாற்றம், புதிய குடும்ப அட்டை கோருதல், நியாயவிலைக் கடைகளின் செயல்பாடுகள், அத்தியாவசியப் பொருள்களின் தரம் குறித்த புகாா்கள், தனியாா் சந்தையில் விற்கப்படும் பொருள்கள் மற்றும் சேவை குறைபாடுகள் குறித்த புகாா்களை தெரிவிக்கலாம்.
