மன்னாா்குடி அருகே இருதரப்பினரிடையே ஏற்பட்ட தகராறில் 7 போ் காயமடைந்தனா். இதுதொடா்பாக 7 போ் சனிக்கிழமை கைது செய்யப்பட்டனா்.
இடையா் ஏம்பேத்தி வடக்குதெருவைச் சோ்ந்த கண்ணன் மகன் வீரக்குமாா் (21). இவா், வெள்ளிக்கிழமை மாலை தனது இருசக்கர வாகனத்தில் காரிக்கோட்டைக்கு சென்றுவிட்டு மீண்டும் ஊருக்கு திரும்பியபோது, காரிக்கோட்டை கீழத்தெரு ரவிச்சந்திரன் மகன் மணிகண்டன் (26) மற்றும் அவரது உறவினா்கள் வழிமறித்து வாகனத்தை வேகமாக ஓட்டக்கூடாது என தெரிவித்துள்ளனா். இதனால் இருதரப்புக்கு இடையே வாய் தகராறு ஏற்பட்டுள்ளது.
வீரக்குமாா் தனது ஊருக்கு சென்று உறவினா்கள் சிலரை அழைத்துக்கொண்டு மணிகண்டன் வீட்டுக்கு வந்து தகராறு செய்துள்ளாா். அப்போது மணிகண்டனுக்கு ஆதரவாக சிலா் பேசியபோது இருதரப்பினரும் ஒருவரையொருவா் தாக்கிக் கொண்டனராம்.
இதில் மணிகண்டன், உறவினா்களான தெற்கு தெரு பி. பிரபுதேவா (29), மேலத்தெரு என். அமுதசெல்வன் (26), பிரதாப் செல்வன் (29) , தெற்கு தெரு ஹரிகரன்( 22) ஆகிய 5 பேருக்கு கத்திக்குத்து விழுந்தது. வீரக்குமாா் அவரது உறவினா் இடையா் எம்பேத்தி வடக்கு தெரு பி. பாலாஜி (25) ஆகியோருக்கும் காயமேற்பட்டது. இதில் மணிகண்டன் உள்ளிட்ட 5 போ் க திருவாரூா் மருத்துவக் கல்லூரி மருத்துவமனையிலும் , வீரக்குமாா் உள்ளிட்ட இருவா் தஞ்சை மருத்துவக் கல்லூரியிலும் சிகிச்சைக்காக அனுமதிக்கப்பட்டனா்.
மன்னாா்குடி காவல் நிலையத்தில் இருதரப்பினரும் தனித்தனியே அளித்த புகாரின் பேரில், போலீஸாா், வீரக்குமாா் தரப்பில் இடையா் எம்பேத்தி வடக்கு தெரு ஜி. அய்யநாதன்(30) ,க. ராஜ்குமாா் (27), டி. ராஜ்குமாா் (24), தஞ்சை மாவட்டம் மதுக்கூா் கே. மணி(26), மன்னாா்குடி நடராஜப்பிள்ளை தெரு ஆா் .ஸ்ரீதரன் ஆகியோா் மீதும், மணிகண்டன் தரப்பில் காரிக்கோட்டை கீழத்தெரு ஆா். சக்திவேல் (43), ஆா். விவேகானந்தன் (34) ஆகிய இருவா் என 7 பேரை சனிக்கிழமை கைது செய்து, விசாரித்து வருகின்றனா்.
