சாயல்குடி அருகே மா்மமான முறையில் இளம் பெண் மரணமடைந்தது குறித்து போலீஸாா் வழக்குப் பதிந்து விசாரித்து வருகின்றனா்.
ராமநாதபுரம் மாவட்டம், கடலாடியை அடுத்த மங்களம் கிராமத்தைச் சோ்ந்தவா் பழனிவேல். இவரது மகள் சிவரஞ்சனி (26). இவருக்கும் சாயல்குடியை அடுத்த எம்.ஆா். பட்டினம் கிராமத்தைச் சோ்ந்த சோனை என்ற பழனிமலைநாதனுக்கு கடந்த நான்கு ஆண்டுகளுக்கு முன்பு திருமணம் நடைபெற்றது. இந்தத் தம்பதிக்கு மகன், மகள் உள்ளனா்.
இந்த நிலையில், ஞாயிற்றுக்கிழமை மாலை வீட்டில் சிவரஞ்சனி தூக்கில் தொங்கிய நிலையில் இறந்து கிடந்தாா். தகவலறிந்து வந்த சாயல்குடி போலீஸாருக்கு அவரது உடலை மீட்டு, கூறாய்வுக்காக கடலாடி அரசு மருத்துவமனைக்கு அனுப்பிவைத்தனா்.
உயிரிழந்த சிவரஞ்சனியின் காது, கழுத்துப் பகுதிகளில் ரத்தக் காயங்கள் இருந்ததால், தனது மகள் இறப்பில் மா்மம் இருப்பதாக சாயல்குடி காவல் நிலையத்தில் பழனிவேல் புகாா் அளித்தாா்.
இதன் பேரில், சந்தேக மரணம் என போலீஸாா் வழக்குப் பதிந்து, சிவரஞ்சனியின் கணவா் பழனிமலைநாதனிடம் விசாரணை நடத்தி வருகின்றனா்.
