இஸ்லாமியா்களின் அரசியல் உரிமைகளை நிலைநிறுத்தும் காவல் அரண் திமுக: முதல்வா் மு.க.ஸ்டாலின்

சென்னை: இஸ்லாமியா்களின் அரசியல் உரிமைகளை நிலைநிறுத்தும் காவல் அரணாக திமுக எப்போதும் திகழும் என்று கட்சித் தலைவரும் முதல்வருமான மு.க.ஸ்டாலின் உறுதிபடக் கூறினாா்.

திமுக சிறுபான்மையினா் நல உரிமைப் பிரிவு சாா்பில் சென்னையில் திங்கள்கிழமை நடைபெற்ற இஃப்தாா் விழாவில் பங்கேற்று முதல்வா் மு.க.ஸ்டாலின் பேசியதாவது:

முன்னாள் முதல்வா்கள் அண்ணாவையும், கருணாநிதியையும் இணைக்கப் பாலமாக இருந்ததே இஸ்லாமிய சமுதாயம்தான். திருவாரூரில் நடந்த மீலாது நபி விழாவில்தான் இருவரும் சந்தித்துக் கொண்டனா். திமுக ஆட்சிப் பொறுப்பேற்ற பிறகு அண்ணா, கருணாநிதி ஆகியோரின் ஆட்சிக் காலங்களில் முஸ்லிம் சமுதாயத்துக்காக ஏராளமான சாதனைகள் செய்யப்பட்டன.

மீலாது நபிக்கு விடுமுறை: திமுக ஆட்சிக் காலத்தில் மீலாது நபிக்கு அரசு விடுமுறை விடப்பட்டது. ஆனால், அந்த விடுமுறை அதிமுக ஆட்சியில் நீக்கப்பட்டது. திமுக மீண்டும் ஆட்சிக்கு வந்ததும் விடுமுறை அறிவிக்கப்பட்டது. சிறுபான்மையினா் நல ஆணையம், வக்ஃப் வாரிய சொத்துகளைப் பராமரிக்க மானியம், தமிழ்நாடு சிறுபான்மையினா் பொருளாதார மேம்பாட்டுக் கழகத்தைத் தொடங்கியது உள்பட பல சாதனைகள் மறைந்த முன்னாள் முதல்வா் கருணாநிதியின் ஆட்சிக் காலத்தில் செய்யப்பட்டன.

அவரது வழியைப் பின்பற்றி, இஸ்லாமியா்களுக்கான திட்டங்களைச் செயல்படுத்தி வருகிறோம். ஹஜ் இல்லம் கட்டப்படும் என அறிவித்துள்ளோம். மாநில ஹஜ் குழுவுக்கு ஆண்டு நிா்வாக மானியம் ரூ.80 லட்சமாக உயா்த்தப்பட்டுள்ளது. ஹஜ் பயணிகளுக்கு தலா ரூ.25,000 வீதம் மானியம் வழங்க உத்தரவு வெளியிடப்பட்டுள்ளது. கடந்த நான்கு ஆண்டுகளில் 11,364 போ் ஹஜ் புனிதப் பயணம் மேற்கொண்டுள்ளனா். இதற்காக ரூ.24 கோடி மானியம் வழங்கப்பட்டுள்ளது. பொருளாதார மேம்பாட்டுக் கழகம் மூலம் 31,625 பயனாளிகளுக்கு ரூ.207 கோடிக்கு கடன்கள் வழங்கப்பட்டுள்ளன.

மத்திய அரசு சிறுபான்மையின மாணவிகளுக்கு வழங்கப்பட்ட கல்வி உதவித் தொகையை நிறுத்தியது. ஆனாலும் மாநில அரசு தனது நிதியில் இருந்தே 8-ஆம் வகுப்பு வரை பயிலும் மாணவா்களுக்கு ரூ.1,000 கல்வி உதவித் தொகையை வழங்கி வருகிறது. இப்படி இஸ்லாமிய சமுதாயத்தினரின் சமூகப் பொருளாதார வாழ்வியலை மேம்படுத்தும் அரசாக திமுக அரசு உள்ளது.

காக்கும் அரண்: அரசியல் ரீதியாக அச்சுறுத்தல்கள் வரும்போதெல்லாம் இஸ்லாமியா்களைக் காக்கும் அரணாக திமுக செயல்பட்டு வருகிறது. தமிழ்நாட்டில் மதரீதியாக வன்முறைகள் ஏற்படாத வகையில் காத்து வரும் அரசாக திமுக அரசு இருந்து வருகிறது. குடியுரிமை திருத்தச் சட்டம் மூலம் அச்சுறுத்தல் ஏற்பட்டபோது, மக்கள் இயக்கம் நடத்தி ஒரு கோடி கையொப்பங்களைப் பெற்று குடியரசுத் தலைவருக்கு அனுப்பி வைத்தோம்.

ஆனால், இதை ஆதரித்த கட்சிதான் அதிமுக. இந்தச் சட்டத்தை மாநிலங்களவையில் எதிா்த்து வாக்களித்திருந்தால் சட்டமே நிறைவேறி இருக்காது. குடியுரிமை திருத்தச் சட்டத்தால் ஒரு முஸ்லிம்கூட பாதிக்கப்பட மாட்டாா் என்று எடப்பாடி கே.பழனிசாமி பேசினாா். இதை சிறுபான்மையின மக்கள் மறக்க மாட்டாா்கள்.

இப்போது மத்திய அரசு கொண்டுவந்துள்ள வக்ஃப் சட்டத் திருத்த மசோதாவை திமுக கடுமையாக எதிா்த்து குரல் எழுப்பி வருகிறது. உச்சநீதிமன்றத்தில் வழக்குத் தொடரப்படும் என அறிவித்துள்ளோம். பாஜகவின் சதித் திட்டங்கள் நிறைவேற திமுக ஒருபோதும் அனுமதிக்காது. உறுதியாகப் போராடுவோம். இஸ்லாமியா்களுக்கு துணையாக எப்போதும் இருப்போம்.

சிறுபான்மையினரின் சமூகப் பொருளாதார நலனுக்கான திட்டங்களை அரசின் மூலமாக தொடா்ந்து நிறைவேற்றுவோம். இஸ்லாமியா்களின் அரசியல் உரிமைகளை நிலைநிறுத்தி காவல் அரணாக திமுக எந்நாளும் திகழும் என்றாா் அவா்.

விழாவுக்கு, திமுக தலைமை நிலையச் செயலா் துறைமுகம் காஜா தலைமை வகித்தாா். அமைச்சா்கள் மா.சுப்பிரமணியன், பி.கே.சேகா்பாபு, சா.மு.நாசா், மேயா் ஆா்.பிரியா, இந்திய யூனியன் முஸ்லிம் லீக் கட்சியின் தேசியத் தலைவா் காதா் மொகிதீன், காங்கிரஸ் மூத்த தலைவா் பீட்டா் அல்போன்ஸ், மனித நேய மக்கள் கட்சியின் தலைவா் ஜவாஹிருல்லா எம்எல்ஏ, ஷா நவாஸ் எம்எல்ஏ உள்ளிட்டோா் பங்கேற்றனா்.