ஈரோட்டில் ஐ.டி. நிறுவன ஊழியா் கிணற்றில் குதித்து தற்கொலை செய்துகொண்டாா்.
ஈரோடு வாய்க்கால் மேடு, இந்தியன் நகா், முதலாவது வீதியைச் சோ்ந்தவா் சீராளன் மகன் பிரவீன் (35), எம்.இ பட்டதாரி. இன்னும் திருமணம் ஆகவில்லை. இவா் பெங்களூரில் உள்ள ஐ.டி. நிறுவனத்தில் வேலைபாா்த்து வந்தாா். கடந்த சில நாள்களாக பிரவீன் வீட்டிலிருந்தே வேலை பாா்த்து வந்ததாக தெரிகிறது.
இந்நிலையில் பிரவீன் கடந்த சில நாள்களாகவே மன உளைச்சல் காரணமாக, யாருடனும் பேசாமல் இருந்து வந்துள்ளாா். இந்நிலையில் சனிக்கிழமை மாலை பிரவீன் நடைப்பயிற்சி செல்வதாக வீட்டினரிடம் கூறிவிட்டு சென்றுள்ளாா். ஆனால் நீண்ட நேரமாகியும் அவா் வீடு திரும்பவில்லை. அவரது பெற்றோா் மற்றும் உறவினா்கள் பல்வேறு இடங்களில் தேடியும் அவா் கிடைக்கவில்லை.
சனிக்கிழமை இரவு அதே பகுதியில் உள்ள கிரிக்கெட் மைதானம் அருகே உள்ள கிணற்றின் அருகில் பிரவீனின் காலணிகள் கிடந்துள்ளன. அதுகுறித்து அவரது பெற்றோருக்கு அங்கிருந்தவா்கள் தகவல் தெரிவித்துள்ளனா். ஈரோடு தாலுகா போலீஸாருக்கும் தகவல் தெரிவிக்கப்பட்டது அதன்பேரில் அங்கு வந்த போலீஸாா், தீயணைப்புத் துறையினருக்கு தகவல் அளித்தனா்.
இதன்பேரில், அங்கு வந்த தீயணைப்புத் துறையினா் கிணற்றில் இறங்கி பிரவீனின் சடலத்தை மீட்டனா். பின்னா் உடற்கூறாய்வுக்காக அவரது உடலை ஈரோடு அரசு தலைமை மருத்துவமனைக்கு அனுப்பிவைத்தனா்.
இதுகுறித்து தாலுகா போலீஸாா் வழக்குப் பதிவு செய்து விசாரித்தனா். முதற்கட்ட விசாரணையில் மன உளைச்சலால் பிரவீன் கிணற்றில் குறித்து தற்கொலை செய்து கொண்டது தெரியவந்துள்ளது. தொடா்ந்து போலீஸாா் விசாரிணை நடத்தி வருகின்றனா்.
