‘உங்களுடன் ஸ்டாலின்’ முகாம்: நலத் திட்ட உதவிகள் வழங்கினாா் எம்எல்ஏ

செய்யாறு வட்டம், அத்தி கிராமத்தில் செவ்வாய்கிழமை நடைபெற்ற ‘உங்களுடன் ஸ்டாலின்’ முகாமில் பயனாளிகளுக்கு ஒ.ஜோதி எம்எல்ஏ பல்வேறு நலத் திட்ட உதவிகளை வழங்கினாா்.

அத்தி கிராமத்தில் உங்களுடன் ஸ்டாலின் முகாம் நடைபெற்றது. முகாமுக்கு அனக்காவூா் வட்டார வளா்ச்சி அலுவலா் ஷீலா அன்பு மலா் தலைமை வகித்தாா். செய்யாறு வட்டாட்சியா் அசோக்குமாா் முன்னிலை வகித்தாா்.

இதில் சிறப்பு விருந்தினராக செய்யாறு தொகுதி எம்எல்ஏ ஒ.ஜோதி பங்கேற்று முகாமை குத்துவிளக்கேற்றி தொடங்கிவைத்து சிறப்புரையாற்றினாா். பின்னா், முகாமை பாா்வையிட்டு அரசு அலுவலா்களுக்கு பல்வேறு ஆலோசகனை வழங்கினாா். தொடா்ந்து, சுகாதாரம், வருவாய், வேளாண் துறைகள் சாா்பில் பயனாளிகளுக்கு பல்வேறு நலத் திட்ட உதவிகளை வழங்கினாா்.

நிகழ்ச்சியில் முன்னாள் அனக்காவூா் ஒன்றியக் குழுத் தலைவா் திலகவதி ராஜ்குமாா், திமுக ஒன்றியச் செயலா்கள் (வெம்பாக்கம் மத்தியம்) ஜேசிகே.சீனிவாசன், (அனக்காவூா் கிழக்கு) ஏ.ஜி.திராவிட முருகன், முன்னாள் மாவட்ட ஊராட்சிக் குழு உறுப்பினா் ஆக்கூா்.முருகேசன், மாவட்ட தொழிலாளா் அணி துணைத் தலைவா் கருணாநிதி, மாவட்ட பொறியாளா் அணி துணை அமைப்பாளா் கலைச்செல்வன், மாவட்ட வா்த்தக அணி துணை அமைப்பாளா் வி.கோபு, ஒன்றியப் பொருளாளா் சரவணன், முன்னாள் ஒன்றியக் குழு உறுப்பினா் ரகுபதி உள்ளிட்ட பலா் கலந்துகொண்டனா்.