நடிகர் உன்னி முகுந்தன் நடித்த மார்கோ திரைப்படத்தை மோகன்லால் பாராட்டியுள்ளார்.
இயக்குநர் ஹனிப் அதேனி இயக்கத்தில் நடிகர் உன்னி முகுந்தன் நடித்த மார்கோ திரைப்படம் கடந்த ஆண்டு டிச. 20 தேதி வெளியானது.
அதிக வன்முறைக் காட்சிகள் கொண்ட ஆக்சன் படமான இது கலவையான விமர்சனங்களையே பெற்றது. ஆனாலும், உலகளவில் இப்படம் ரூ. 100 கோடி வசூலித்தது.
இதையும் படிக்க: இயக்குநர் ராமின் புதிய படம்!
இது உன்னி முகுந்தனின் முதல் ரூ. 100 கோடி திரைப்படமாகும். மேலும், நூறு கோடி வசூலித்த மலையாள சினிமாவின் பட்டியலில் 8வது இடத்தைப் பெற்றுள்ளது. இப்படத்திற்கு, கேஜிஎஃப் இசையமைப்பாளர் ரவி பஸ்ரூர் இசையமைத்திருந்தார்.
இந்த நிலையில், நடிகர் மோகன்லால் மார்கோ படத்தைப் பார்த்துவிட்டு நடிகர் உன்னி முகுந்தனை நேரில் அழைத்துப் பாராட்டியுள்ளார்.
