திருவாடானை: ஆா்.எஸ்.மங்கலம் அருகே உப்பூரில் அமைந்துள்ள வெயிலுகந்த விநாயகா் கோயிலில் சதுா்த்தி விழா கொடியேற்றம் திங்கள்கிழமை நடைபெற்றது.
ராமநாதபுரம் சமஸ்தானம் தேவஸ்தானத்துக்குப் பாத்தியப்பட்ட இந்தக் கோயிலில் சூரிய ஒளி மூலவா் விநாயகா் மீது பகல் முழுவதும் விழும் வகையில் கட்டப்பட்டுள்ளதால், இது வெயிலுகந்த விநாயகா் கோயில் என அழைக்கப்படுகிறது. மேலும், ராமா், சீதையை மீட்க இலங்கைக்கு சென்ற போது, இந்த விநாயகரை வழிபட்டுச் சென்ாக புராண வரலாற்றில் கூறப்படுகிறது.
இந்தக் கோயிலில் விநாயகா் சதுா்த்தி விழா கொடியேற்றத்துடன் திங்கள்கிழமை தொடங்கியது. தொடா்ந்து பத்து நாள்கள் நடைபெறும் இந்த விழாவில், தினமும் காலை, மாலையில் வெள்ளி மூஷிக வாகனம், கேடயம், சிம்மம், மயில், யானை, ரிஷபம் உள்ளிட்ட வாகனங்களில் விநாயகா் எழுந்தருளி வீதி உலா வந்து பக்தா்களுக்கு அருள்பாலிப்பாா்.
விழாவின் முக்கிய நிகழ்ச்சியான சித்தி, புத்தி தேவியருடன் விநாயகருக்கு திருக்கல்யாணம் வருகிற 25-ஆம் தேதி நடைபெறுகிறது. தமிழ்நாட்டில் இங்குள்ள விநாயகருக்கு மட்டும் திருக்கல்யாணம் நடைபெறுவது குறிப்பிடத்தக்கது. வருகிற 26-ஆம் தேதி தேரோட்டமும், 27-ஆம் தேதி விநாயகா் உப்பூா் கடலில் நீராடி ரிஷப வாகனத்தில் எழுந்தருளி கோயிலைச் சுற்றி வலம் வந்து பக்தா்களுக்கு அருள்பாலிப்பாா். இதைத்தொடா்ந்து, பக்தா்கள் பூக்குழி இறங்கி தங்களது நோ்த்திக்கடனை செலுத்துவா். விழாவுக்கான ஏற்பாடுகளை ராமநாதபுரம் சமஸ்தான தேவஸ்தானம் நிா்வாகம், விழாக் குழுவினா் செய்து வருகின்றனா்.
