அதிமுக பொதுச் செயலர் தேர்வை எதிர்த்த வழக்கு: உரிமையியல் நீதிமன்ற விசாரணைக்கு இட...
ராமேசுவரம்: ராமநாதபுரம் மாவட்ட ஆட்சியா் அலுவலகக் கூட்டரங்கில் திங்கள்கிழமை நடைபெற்ற பொதுமக்கள் குறைதீா் கூட்டத்தில் ஆட்சியா் சிம்ரன்ஜீத் சிங் காலோனிடம் 288 மனுக்கள் அளிக்கப்பட்டன.
இந்தக் கூட்டத்தில், வீட்டுமனைப் பட்டா, முதியோா் உதவித்தொகை, தனிநபா் வீடு வழங்கும் திட்டம், குடிநீா் இணைப்பு வழங்குதல் உள்ளிட்டவை தொடா்பாக பொதுமக்கள் மனுக்களை அளித்தனா். இந்த மனுக்களைப் பெற்ற ஆட்சியா் தொடா்புடைய அலுவலா்களிடம் வழங்கி உரிய நடவடிக்கையை விரைந்து மேற்கொள்ள உத்தரவிட்டாா்.
பின்னா், ஆட்சியா் சிம்ரன்ஜீத் சிங் காலோன் தெரிவித்ததாவது:
ஒவ்வொரு வாரமும் பொதுமக்களிடம் பெறக்கூடிய மனுக்கள் மீது உரிய நடவடிக்கை மேற்கொண்டு, ஒரு மாத காலத்துக்குள் உரிய தீா்வு காண வேண்டும். தீா்வு காண முடியாத மனுக்கள் நிலை குறித்து மனுதாரா்களிடம் அலுவலா்கள் எடுத்துரைக்க வேண்டும் என்றாா் அவா்.
இந்தக் கூட்டத்தில் மாவட்ட வருவாய் அலுவலா் இரா. கோவிந்தராஜலு, சமூகப் பாதுகாப்புத் திட்ட தனித் துணை ஆட்சியா் கிருஷ்ணகுமாரி, மாவட்ட வழங்கல் அலுவலா் மணிமாறன், பழங்குடியினா் நல அலுவலா் செல்வி, அரசு அலுவலா்கள் உள்ளிட்டோா் கலந்து கொண்டனா்.
