உலக தொழில் முதலீட்டாளா்களை சிவப்பு கம்பளம் விரித்து இந்தியா வரவேற்கிறது: ராஜ்நாத் சிங்

உலக தொழில் முதலீட்டாளா்களை இந்தியா சிவப்பு கம்பளம் விரித்து வரவேற்கிறது என்று மத்திய பாதுகாப்புத் துறை அமைச்சா் ராஜ்நாத் சிங் தெரிவித்தாா்.

பெங்களூரு, அரண்மனை மைதானத்தில் கா்நாடக அரசின் உலக முதலீட்டாளா் மாநாட்டை செவ்வாய்க்கிழமை (பிப்.11) தொடங்கிவைத்து அவா் பேசியதாவது:

நிலையான பொருளாதார வளா்ச்சிக்கு கூட்டாக பங்காற்ற வேண்டும் என்பதை தற்போது அனைத்து அரசுகளும் உணா்ந்துள்ளன. அதனால்தான் தொழில் முதலீடுகளுக்கு உகந்த கொள்கைகளை இந்தியா வகுத்துள்ளது.

கடந்தகாலத்தில் தொழில் தொடங்குவதற்கு ஏராளமான கட்டுப்பாடுகள் இருந்தன. ஆனால், தற்போது நிலைமை மாறியுள்ளது. கட்டுப்பாடுகளுக்கு மாறாக, உலகத் தொழில் முதலீட்டாளா்களை சிவப்பு கம்பளம் விரித்து இந்தியா வரவேற்கிறது. நாங்கள் பாகுபாடின்றி தொழில் முதலீடுகளுக்கு ஊக்கமளிக்கிறோம். இதனால், தொழில் முதலீட்டாளா்கள் முந்தைய காலங்களில் எதிா்கொண்ட அசாதாரண சூழ்நிலை தற்போது இல்லை.

பல்வேறு நாடுகளில் இருந்து இங்கு வருகை தந்துள்ள தொழில் முதலீட்டாளா்களுக்குத் தேவையான அனைத்து வாய்ப்புகளையும் கா்நாடகம் செய்து தருகிறது. தொழில் முதலீட்டுத் துறைகள் எதுவாக இருந்தாலும் அதற்கு உகந்த மாநிலமாக கா்நாடகம் விளங்குகிறது.

தொழில் வளா்ச்சிக்கும், அதன் வெற்றிக்கும் கா்நாடகம் சிறந்த அடித்தளத்தை அமைத்து தருகிறது. தொழில் முதலீட்டாளா்கள் எதிா்பாா்க்கும் அடுத்த தலைமுறை உள்கட்டமைப்பையும் கா்நாடகம் வழங்கும். இந்த மாநிலத்தில் வேலை அறிந்த திறமையான மனிதவளம் உள்ளது என்றாா்.

விழாவில் மத்திய உணவு மற்றும் நுகா்வோா் பாதுகாப்புத் துறை அமைச்சா் பிரல்ஹாத் ஜோஷி, முதல்வா் சித்தராமையா, துணை முதல்வா் டி.கே.சிவகுமாா், மாநிலத் தொழில் துறை அமைச்சா் எம்.பி.பாட்டீல், தலைமைச் செயலா் ஷாலினி ரஜ்னிஷ், தொழிலதிபா்கள் ஆனந்த் மஹிந்திரா, கிரண்மஜும் தாா்ஷா, சஜ்ஜன் ஜிந்தால், கீதாஞ்சலி கிா்லோஸ்கா், ராகுல் முஞ்சல் உள்ளிட்டோா் கலந்துகொண்டனா்.

மாநாடு குறித்து கா்நாடக தொழில்துறை அமைச்சா் எம்.பி.பாட்டீல் கூறியதாவது:

பெங்களூரில் நடைபெறும் உலக முதலீட்டாளா் மாநாட்டில் ‘வளா்ச்சியின் மறுகற்பனை’ என்ற முழக்கம் முன்வைக்கப்பட்டுள்ளது.

பிப். 12 முதல் 3 நாள்களுக்கு இந்த மாநாடு நடைபெறும். மாநாட்டில் ரூ. 10 லட்சம் கோடி மதிப்பிலான தொழில் முதலீடுகளை ஈா்க்க கா்நாடக அரசு இலக்கு நிா்ணயித்துள்ளது. 10 நாடுகளின் பிரதிநிதிகள் கலந்துகொள்ளும் இந்த மாநாட்டில் 25 கலந்துரையாடல் அமா்வுகள் நடைபெறுகின்றன. மாநாட்டையொட்டி நடைபெறும் கண்காட்சியில் எட்டு நாடுகள் அரங்குகளை அமைத்துள்ளன.

மாநாட்டின்போது 2025 முதல் 2030 ஆம் ஆண்டுக்கான புதிய தொழில் கொள்கை மலா் வெளியிடப்படவுள்ளது.

இந்த மாநாட்டில் மத்திய அமைச்சா்கள் நிா்மலா சீதாராமன், பியூஷ் கோயல், எச்.டி.குமாரசாமி, அஸ்வினி வைஷ்ணவ், வி.சோமண்ணா, ஷோபா கரந்தலஜே, மாநிலங்களவை எதிா்க்கட்சித் தலைவா் மல்லிகாா்ஜுன காா்கே, மக்களவை எதிா்க்கட்சித் தலைவா் ராகுல் காந்தி உள்ளிட்டோா் கலந்துகொள்ளவுள்ளனா் என்றாா்.