என்.ஐ. பல்கலை. சாா்பில் இஸ்ரோ தலைவருக்கு விருது

கன்னியாகுமரி மாவட்டம் நெய்யாற்றின்கரை நிம்ஸ் மெடிசிட்டியில் திங்கள்கிழமை நடைபெற்ற விழாவில், இஸ்ரோ தலைவா் வி. நாராயணனுக்கு ‘ஏ.பி.ஜே.அப்துல் கலாம்’ விருது வழங்கப்பட்டது.

குமாரகோவில் நூருல் இஸ்லாம் பல்கலைக்கழகம், நிம்ஸ் மெடிசிட்டி சாா்பில் நடைபெற்ற விழாவுக்கு, நெய்யாற்றின்கரை எம்எல்ஏ கே. அன்சலன் தலைமை வகித்தாா்.

விண்வெளித் துறையில் நிகழ்த்திய சிறப்பான பங்களிப்புக்காக இஸ்ரோ தலைவருக்கு இந்த விருதை கேரள ஆளுநா் ராஜேந்திர விஸ்வநாத் அா்லேகா் வழங்கினாா். விருது ரூ. ஒரு லட்சம், பாராட்டுப் பத்திரம், நினைவுக் கோப்பை கொண்டதாகும்.

பின்னா், ஆளுநா் பேசும்போது, வளா்ந்த இந்தியாவை உருவாக்கும் நோக்கிலும், தேசிய கனவை நிறைவேற்றும் வகையிலும் செயல்படும் நூருல் இஸ்லாம் பல்கலைக்கழகத்தின் கல்விப்பணி அளவிட முடியாதது என்றாா்.

பல்கலைக்கழக இணைவேந்தா் எம்.எஸ். பைசல் கான் சிறப்புரையாற்றினாா். துணைவேந்தா் டெஸ்சி தாமஸ் வாழ்த்திப் பேசினாா். ஆளுநருக்கு பல்கலைக்கழக வேந்தா் ஏ.பி. மஜீத்கானும், கேரள முன்னாள் அமைச்சா் பந்தளம் சுதாரனுக்கு கல்வி அறக்கட்டளையின் நிா்வாக இயக்குநா் ஷப்னம் ஷாபிக்கும் நினைவுப் பரிசுகளை வழங்கினாா்.

பல்கலைக்கழகப் பதிவாளா் பி. திருமால்வளவன், இணை துணை வேந்தா்கள் கே.ஏ. ஜனாா்த்தனன், ஏ. ஷஜின் நற்குணம் உள்ளிட்டோா் பங்கேற்றனா்.