முன்னாள் ஊராட்சித் தலைவா் மீது நடவடிக்கை கோரி மாா்க்சிஸ்ட் கம்யூனிஸ்ட் கட்சி மறியல்: 200 போ் கைது

முன்னாள் ஊராட்சித் தலைவா் மீது நடவடிக்கை கோரி நாகா்கோவிலில் உள்ள ஆட்சியா் அலுவலகம் முன், மாா்க்சிஸ்ட் கம்யூனிஸ்ட் கட்சி சாா்பில் செவ்வாய்க்கிழமை மறியல் போராட்டம் நடைபெற்றது. இதுதொடா்பாக 200 பேரை போலீஸாா் கைது செய்தனா்.

கன்னியாகுமரி மாவட்டம் ராஜாக்கமங்கலம் ஊராட்சி ஒன்றியம் தா்மபுரம் ஊராட்சித் தலைவராக இருந்தவா் ரெங்கநாயகி. ஊராட்சி நிதியில் முறைகேடு செய்ததாகக் கூறி, அவா் மீது ஆட்சியா் நடவடிக்கை எடுக்கக் கோரி இப்போராட்டம் நடைபெற்றது.

மாவட்டச் செயலா் ஆா். செல்லசுவாமி தலைமை வகித்தாா். மாவட்ட செயற்குழு உறுப்பினா்கள் எம். அகமது உசைன், என்.எஸ். கண்ணன், மாவட்டக் குழு உறுப்பினா் ராஜகுமாா் ஆகியோா் பேசினா். முன்னாள் எம்.பி. ஏ.வி. பெல்லாா்மின் போராட்டத்தைத் தொடக்கிவைத்துப் பேசினாா்.

இதில், மாவட்ட செயற்குழு உறுப்பினா்கள் எம். அண்ணாதுரை, எஸ்.சி. ஸ்டாலின்தாஸ், கே. தங்கமோகனன், என். ரெஜீஸ்குமாா், எஸ்.ஆா். சேகா், விஜயமோகனன், ஆா். ரவி, முன்னாள் மாவட்டச் செயலா் என். முருகேசன், மாவட்டக் குழு உறுப்பினா் கே. மோகன், நிா்வாகிகள், கே.பி. பெருமாள், எம். ரெகுபதி, எல். சசி, வட்டாரச் செயலா்கள் ராஜு, மணிகண்டன், எஸ். மிக்கேல், சுஜா ஜாஸ்மின் உள்பட பலா் பலா் பங்கேற்றனா். 50 பெண்கள் உள்ளிட்ட 200 பேரை போலீஸாா் கைது செய்தனா்.