அரசுப் பேருந்து சேதம்: இளைஞா் கைது

விழுப்புரம் மாவட்டம், மயிலம் அருகே அரசுப் பேருந்து மீது கல் வீசித் தாக்கிய இளைஞரை போலீஸாா் திங்கள்கிழமை கைது செய்தனா்.

மயிலத்தில் இருந்து விழுப்புரத்துக்கு அரசுப் பேருந்து இயக்கப்பட்டு வருகிறது. இந்தப் பேருந்தில் திண்டிவனம் வட்டம், செ.கொத்தமங்கலம் கிராமத்தைச் சோ்ந்த செல்வம் ( 28) ஓட்டுநராக திங்கள்கிழமை பணியில் இருந்தாா்.

இவா், விழுப்புரத்தை அடுத்த பாப்பனப்பட்டு பேருந்து நிறுத்தத்தில் பேருந்தை நிறுத்தாமல் ஓட்டிச் சென்றாராம்.

இதனால் ஆத்திரமடைந்த இளைஞா் ஒருவா் அந்தப் பேருந்தின் மீது கல் வீசியுள்ளாா். இதில் பேருந்தின் முன்பக்கக் கண்ணாடி சேதமடைந்தது.

இதுகுறித்த புகாரின் பேரில், விக்கிரவாண்டி போலீஸாா் நடத்திய விசாரணையில், பாப்பனப்பட்டு மாரியம்மன் கோவில் தெருவைச் சோ்ந்த கலைமணி (24) பேருந்தின் மீது கல்வீசி கண்ணாடியை சேதப்படுத்தியது தெரிய வந்தது.

இதையடுத்து, விக்கிரவாண்டி போலீஸாா் வழக்குப் பதிந்து கலைமணி-யை கைது செய்தனா்.