அறிவுசாா்ந்த இளம் தலைமுறையினா் அரசியலில் வெற்றிடம் ஏற்பட விடக்கூடாது: உச்ச நீதிமன்ற முன்னாள் நீதிபதி இப்ராஹிம் கலிபுல்லா

இளைய தலைமுறையினா் அரசியலுக்கு வராத சூழலில் உருவாகும் வெற்றிடத்தில் வேறு யாரோ புகுந்து விடுகின்றனா். எனவே, அறிவுசாா்ந்த இளம் தலைமுறை அரசியலில் வெற்றிடம் ஏற்பட விடக்கூடாது என உச்ச நீதிமன்ற முன்னாள் நீதிபதி இப்ராஹிம் கலிபுல்லா தெரிவித்தாா்.

வேலூா் விஐடி பல்கலைக்கழகத்தின் சமூக அறிவியல், மொழியியல் துறை சாா்பில் தேசிய ஒற்றுமை குறித்த இரு நாள் கருத்தரங்கம் நடைபெற்றது. செவ்வாய்க்கிழமை நடைபெற்ற நிறைவு விழாவில் முன்னாள் நீதிபதி இப்ராஹிம் கலிபுல்லா பேசியது -

சுதந்திர இந்தியாவில் 560 மாகாணங்களாகப் பிரிந்து கிடந்த இந்தியாவை ஒருங்கிணைத்தவா் சா்தாா் வல்லபபாய் படேல். துணை பிரதமராகவும், உள்துறை அமைச்சராகவும் சேவையாற்றியவா். இந்தியாவின் இரும்பு மனிதராக போற்றப்படுகிறாா். அவா் சிறந்த நிா்வாகியாகவும், ஆட்சி நிா்வாகத்தையும் திறம்பட கையாண்டவா்.

சா்தாா் வல்லபபாய் படேல் சிறந்த நிா்வாகி என்றும், அவா் யாருடன் ஒப்பிட முடியாத தலைவா் என்றும் அபுல் கலாம் ஆசாத், தான் எழுதிய நூலில் புகழாரம் சூட்டியுள்ளாா். புதிய இந்தியாவை கட்டி எழுப்பியதில் மிகப்பெரிய பங்களிப்பை வழங்கியவா். இந்து - இஸ்லாமியா் மத நல்லிணக்கத்தைப் பேணியவா். உள்நாட்டு பாதுகாப்பையும் உறுதி செய்தவா்.

காஷ்மீரை இந்தியாவுடன் ஒருங்கிணைத்ததில் சா்தாா் வல்லபபாய் படேலின் பங்கு அளப்பரியது. வேற்றுமையில் ஒற்றுமை என்பதை புரிதலுடன் அணுக வேண்டும். அவரிடம் இருந்து இலக்கை அடையும் உறுதியான மனோதிடம் அவசியம்.

இளைய தலைமுறையினருக்கு விழிப்புணா்வு ஏற்படுத்த வேண்டும். நாட்டில் அரசியல் இல்லாமல் எதுவும் இல்லை. எனவே, இளைய தலைமுறையினா் அரசியலுக்கு வர வேண்டும். இளைய தலைமுறையினா் அரசியலுக்கு வராத சூழலில் உருவாகும் வெற்றிடத்தில் வேறு யாரோ புகுந்து விடுகின்றனா். எனவே அறிவுசாா்ந்த இளம் தலைமுறை அரசியலில் வெற்றிடத்தை ஏற்படுத்த கூடாது என்றாா்.

விஐடி துணை தலைவா் சேகா் விசுவநாதன் பேசியது -இந்தியாவில் பல்வேறு மொழி பேசும் மக்கள், ஆயிரக்கணக்கான சாதிகள் இருந்தபோதிலும் வேற்றுமையில் ஒற்றுமையுடன் உள்ளது. அத்தகைய வேற்றுமையில் ஒற்றுமையுடன் கூடிய இந்தியாவைக் கட்டமைத்தவா் இந்தியாவின் இரும்பு மனிதரான சா்தாா் வல்லபபாய் படேல். சாதி, மதத்தால் பிளவு ஏற்படாத வகையில் மகாத்மா காந்தி, சா்தாா் வல்லபபாய் படேலின் கருத்துகளை உணா்ந்து நாம் ஒற்றுமையுடன் இருக்க வேண்டும் என்றாா்.

கருத்தரங்கில் சமூக அறிவியல், மொழியியல் துறையின் முதல்வா் வி.செல்வம், துறை தலைவா் நவீன்குமாா், கருத்தரங்க ஒருங்கிணைப்பாளா் ரூபக் குமாா், பல்வேறு பல்கலைக்கழகம், கல்வி நிறுவனங்களை சோ்ந்த பேராசிரியா்கள், மாணவ, மாணவிகள் பங்கேற்றனா்.