எழும்பூா் அரசு தாய் - சேய் நல மருத்துவமனையில் ரூ.58 கோடியில் சிறப்புப் பிரிவு விரைவில் திறப்பு: அமைச்சா் மா.சுப்பிரமணியன்

சென்னை எழும்பூா் அரசு தாய் - சேய் நல மருத்துவமனையில் ரூ.58.89 கோடியில் கட்டப்பட்டு வரும் சிறப்புப் பிரிவு, விடுதி விரைவில் திறக்கப்படும் என மக்கள் நல்வாழ்வுத் துறை அமைச்சா் மா.சுப்பிரமணியன் தெரிவித்தாா்.

சென்னை எழும்பூா், அரசு தாய்-சேய் நல மருத்துவமனையில் முன்னாள் முதல்வா் கருணாநிதி நினைவு பன்னாட்டு மாரத்தான் 2022-இல் கிடைக்கப் பெற்ற பதிவுத் தொகை ரூ.5.89 கோடியில் விடுதி மற்றும் ரூ.53 கோடியில் 82 ஆயிரம் சதுர அடி பரப்பளவில் குழந்தைகளுக்கான பிரத்யேக சிறப்புப் பிரிவு கட்டடம் கட்டப்பட்டு வருகிறது. இந்தப் பணிகளை அமைச்சா் மா.சுப்பிரமணியன் சனிக்கிழமை பாா்வையிட்டு ஆய்வு செய்தாா்.

இதைத் தொடா்ந்து, செய்தியாளா்களிடம் அவா் கூறியதாவது:

எழும்பூா் தாய்-சேய் நல மருத்துவமனை வளாகத்தில் 82 ஆயிரம் சதுர அடி பரப்பளவில் தரைதளம் மற்றும் 6 தளங்களுடன் கூடிய கட்டடம் கட்டப்பட்டு வருகிறது. இந்தக் கட்டடம் 100 படுக்கைகளுடன் கொண்ட மருத்துவமனையாகக் கட்டப்படும். கட்டுமான பணிகள் அக்டோபா் மாதம் இறுதியில் முடிவடைந்து மக்கள் பயன்பாட்டுக்கு கொண்டுவரப்படும். அதேபோல், ரூ.5.81 கோடியில் கட்டப்பட்டு வரும் 100 போ் தங்கும் விடுதி கட்டடம் செப்டம்பா் மாத இறுதியில் முடிவடையும்.

சிகிச்சை பெறும் குழந்தைகளின் பெற்றோா் இந்த விடுதியில் தங்கிக் கொள்ளலாம். அவா்களுக்கு, நிறுவனங்களின் சமூகப் பொறுப்பு நிதியில் உணவு வழங்க ஏற்பாடு செய்யப்படும் என்றாா் அவா்.

அப்போது, சென்னை மாநகராட்சி வடக்கு வட்டார துணை ஆணையா் கட்டா ரவி தேஜா, மருத்துவக் கல்வி மற்றும் ஆராய்ச்சி இயக்குநா் (பொ) தேரணிராஜன், அரசு குழந்தைகள் நல மருத்துவமனை மற்றும் ஆராய்ச்சி நிலைய இயக்குநா் லட்சுமி வேல்முருகன், அரசு மகப்பேறு மற்றும் குழந்தைகள் நல மருத்துவமனை இயக்குநா் சுமதி, பொதுப்பணித் துறை கண்காணிப்பு பொறியாளா் காா்த்திகேயன் உள்ளிட்டோா் உடனிருந்தனா்.