ஏரியில் கிடந்த ஆண் சடலம் மீட்பு

அத்திப்பட்டு ஏரியில் ஆண் சடலத்தை தீயணைப்புத் துறையினா் ஞாயிற்றுக்கிழமை மீட்டனா்.

பொன்னேரி வட்டம், அத்திப்பட்டு கிராமத்தில் உள்ள ஏரியில் சடலம் ஒன்று மிதப்பதாக மீஞ்சூா் போலீஸாருக்கு தகவல் கிடைத்தது.

அங்கு சென்ற போலீஸாா் வடசென்னை அனல் மின் நிலையத்தில் உள்ள தீயணைப்பு துறையினருக்கு தகவல் தெரிவித்தனா்.

தீயணைப்பு துறையினா் அங்கு சென்று ஏரி நீரில் மிதந்த நிலையில் இருந்த 35 வயது மதிக்கத்தக்க ஆண் சடலத்தை மீட்டு கரைக்கு கொண்டு வந்தனா்.

இதையடுத்து மீஞ்சூா் போலீஸாா் சடலத்தை கைப்பற்றி சென்னை ஸ்டான்லி மருத்துவமனைக்கு அனுப்பி வைத்தனா்.

மேலும், இதுகுறித்து மீஞ்சூா் போலீஸாா் வழக்குப் பதிவு செய்து விசாரித்து வருகின்றனா்.