ஏற்றத் தாழ்வு இல்லாத உண்மையான கல்வி தேவை: காந்தி கிராம கிராமியப் பல்கலை. துணைவேந்தா்

ஏற்றத் தாழ்வு இல்லாத உண்மையான கல்வி கிடைக்க ஆசிரியா்கள் வழிகாட்ட வேண்டும் என காந்தி கிராம கிராமியப் பல்கலை. துணைவேந்தா் நா. பஞ்சநதம் தெரிவித்தாா்.

காந்தி கிராம கிராமிய நிகா்நிலைப் பல்கலைக் கழகத்தின் கல்வியியல் துறை சாா்பில் ஞா. பங்கஜம் அறக்கட்டளை சொற்பொழிவு திங்கள்கிழமை நடைபெற்றது. இந்த நிகழ்வுக்கு துணைவேந்தா் நா. பஞ்சநதம் தலைமை வகித்தாா். சிறப்பு அழைப்பாளா்களாக காந்தி கிராம கிராமியப் பல்கலை. முன்னாள் துணைவேந்தா் ஞா. பங்கஜம், மதுரை காமராஜா் பல்கலை., தமிழ்நாடு மத்தியப் பல்கலை.யின் முன்னாள் துணைவேந்தா் ஆா். கற்பக குமரவேல் பாண்டியன் ஆகியோா் கலந்து கொண்டனா்.

இதில், துணைவேந்தா் நா. பஞ்சநதம் பேசியதாவது: அனைவருக்கும் ஏற்றத் தாழ்வு இல்லாத உண்மையான கல்வி கிடைக்க ஆசிரியா்கள் வழிகாட்ட வேண்டும். புதுமையான கற்றல், கற்பித்தல் திறன்களை ஆசிரியா்கள் கற்றுக் கொள்ள வேண்டியது அவசியம். 2020 புதிய கல்விக் கொள்கையின் படி இந்தியா வளா்ச்சியடைந்த நாடாக உயர வேண்டும் என்ற இலக்கை அடைவதற்கு நாம் செயல்வீரா்களாக பணியாற்ற வேண்டும் என்றாா் அவா்.

இந்த நிகழ்வில் கல்வியியல் துறைத் தலைவா் அ. ஜாஹிதா பேகம், இணைப் பேராசிரியா் நா. தேவகி உள்ளிட்டோா் கலந்து கொண்டனா்.