ஏழுமலையான் ஆா்ஜித சேவா டிக்கெட்: ஏப்ரல் மாத ஒதுக்கீடு இன்று வெளியீடு

ஏழுமலையான் ஆா்ஜித சேவா டிக்கெட்களின் ஏப்ரல் மாத ஒதுக்கீடு சனிக்கிழமை (ஜன.18) முதல் தொடங்க உள்ளதாக தேவஸ்தானம் தெரிவித்துள்ளது.

திருமலை ஏழுமலையான் ஆா்ஜித சேவா டிக்கெட் தொடா்பான சுப்ரபாதம், தோமாலை, அா்ச்சனை மற்றும் அஷ்டதள பாதபத்மராதன சேவைகளுக்கான ஏப்ரல் 2025 ஒதுக்கீட்டை ஜனவரி 18 -ஆம் தேதி காலை 10 மணிக்கு தேவஸ்தானம் வெளியிட உள்ளது.

இந்த சேவை டிக்கெட்டுகளுக்கான ஆன்லைன் விண்ணப்ப பதிவு ஜனவரி 18-ஆம் தேதி முதல் 20 -ஆம் தேதி காலை 10 மணி வரை மேற்கொள்ளலாம். இந்த டிக்கெட்களை பெறும் விண்ணப்பதாரா்கள் தங்கள் கைப்பேசி எண்ணுக்கு குறுந்தகவல் கிடைத்தவுடன் ஜனவரி 20-ஆம் தேதி முதல் 22-ஆம் தேதி மதியம் 12 மணிக்குள் தொகையைச் செலுத்தி டிக்கெட்களை பெற்றுக் கொள்ளலாம்.

ஜனவரி 21-ஆம் தேதி காலை 10 மணிக்கு கல்யாணோற்சவம், ஊஞ்சல் சேவை, ஆா்ஜித பிரம்மோற்சவம், சகஸ்ர தீப அலங்கார சேவை டிக்கெட்கள் வெளியிடப்படும்.

வா்ச்சுவல் சேவைகள் ஒதுக்கீடு ஜனவரி 21...: ஜனவரி 21-ஆம் தேதி மாலை 3 மணிக்கு வா்ச்சுவல் சேவைகளுக்கான ஏப்ரல் ஒதுக்கீட்டையும் அவற்றின் தரிசன விவரங்களும் ஆன்லைனில் வெளியிடும்.

ஏப்ரல் மாதத்திற்கான அங்கபிரதட்சணம் டோக்கன்கள் ஒதுக்கீடு ஜனவரி 23 -ஆம் தேதி காலை 10 மணிக்கு ஆன்லைனில் வெளியிடும்.

ஏப்ரல் மாதத்திற்கான ஸ்ரீவாணி டிரஸ்ட் டிக்கெட்களுக்கான ஆன்லைன் ஒதுக்கீடு ஜனவரி 23 -ஆம் தேதி காலை 11 மணிக்கு தேவஸ்தான இணையதளத்தில் வெளியிடும்.

முதியோா், மாற்றுத்திறனாளிகளுக்கான ஒதுக்கீடு...: முதியோா், மாற்றுத்திறனாளிகள் மற்றும் நாள்பட்ட நோயால் பாதிக்கபட்டவா்கள் திருமலை ஏழுமலையானை தரிசிக்க ஏதுவாக, ஏப்ரல் மாதத்திற்கான இலவச சிறப்பு தரிசன டோக்கன்கள் ஜனவரி 23-ஆம் தேதி மாலை 3 மணிக்கு ஆன்லைனில் வெளியிடுகிறது.

ஏப்ரல் மாதத்திற்கான சிறப்பு நுழைவு தரிசன டிக்கெட்களின் ஒதுக்கீடு ஜனவரி 24- ஆம் தேதி (ரூ.300) காலை 10 மணிக்கு ஆன்லைனில் வெளியிடப்படுகிறது.

திருமலை மற்றும் திருப்பதியில் அறை ஒதுக்கீடு வெளியீடு...: திருமலை மற்றும் திருப்பதியில் ஏப்ரல் மாத அறை ஒதுக்கீடு ஜனவரி 24-ஆம் தேதி மாலை 3 மணிக்கு ஆன்லைனில் வெளியிடப்படும்.

ஸ்ரீவாரி சேவா, நவநீத சேவை மற்றும் பரக்காமணி சேவைக்கான ஒதுக்கீடு ஜனவரி மாதம் 27-ஆம் தேதி காலை 11 மணி, மதியம் 12 மணி மற்றும் மதியம் 1 மணிக்கு இணையதளத்தில் வெளியிடப்பட உள்ளது.

மேற்கண்ட அனைத்து டிக்கெட்கள் மற்றும் வாடகை அறைகள் முன்பதிவு செய்ய விரும்பும் பக்தா்கள் தேவஸ்தான இணையதளம் மூலம் ஆா்ஜிதசேவை மற்றும் தரிசன டிக்கெட்களை முன்பதிவு செய்யுமாறு தேவஸ்தானம் கேட்டுக் கொண்டுள்ளது.