ஐசிஎஃப்-இல் ரயில்வே வாரிய கூடுதல் உறுப்பினா் ஆய்வு

சென்னை பெரம்பூரில் உள்ள ஒருங்கிணைந்த ரயில் பெட்டிகள் தயாரிப்பு (ஐசிஎஃப்) தொழிற்சாலையில் மத்திய ரயில்வே வாரிய கூடுதல் உறுப்பினா் (உற்பத்திப் பிரிவு) சீதாராம் சிங்கு ஆய்வு மேற்கொண்டாா்.

மத்திய ரயில்வே வாரியத்தன் கூடுதல் உறுப்பினராக சீதாராம் சிங்கு அண்மையில் பொறுப்பேற்றாா். இதையடுத்து அவா் சென்னையில் உள்ள ஐசிஎஃப் தொழிற்சாலையை செவ்வாய்க்கிழமை பாா்வையிட்டாா். அப்போது, ஐசிஎப் மேலாளா் யு. சுப்பாராவ் உள்ளிட்ட அதிகாரிகளுடன் ஆலோசனை நடத்தினாா். பின்னா் தொழிற்சங்கப் பிரதிநிதிகளையும் சந்தித்துப் பேசினாா்.

தொடா்ந்து 2-ஆவது நாளான புதன்கிழமை ஐசிஎஃப் தொழிற்சாலையில் இரு இடங்களில் உள்ள ரயில் பெட்டிகள் தயாரிப்பு பிரிவை நேரில் பாா்வையிட்டாா்.

தூய்மைப் பணி தொடக்கம்: ஐசிஎஃப் தொழிற்சாலை வளாகத்தில் தூய்மைப் பணி இயக்க தொடக்க நிகழ்ச்சி புதன்கிழமை நடைபெற்றது. ஐசிஎஃப் அதிகாரிகள், அலுவலா்கள், பணியாளா்களால் அலுவலக வளாகங்களில் தூய்மைப் பணி மேற்கொள்ளப்பட்டு, மரக்கன்றுகள் நடப்பட்டன.