புஷ்பா - 2 ஓடிடி வெளியீட்டுத் தேதி குறித்த தகவல் வெளியாகியுள்ளது.
இயக்குநர் சுகுமார் இயக்கத்தில் அல்லு அர்ஜுன் நடிப்பில் உருவான திரைப்படம் புஷ்பா - 2 . இப்படம் டிச. 5-ல் திரையரங்குகளில் வெளியாகி, ரசிகர்கள் மத்தியில் கலவையான விமர்சனங்களைப் பெற்று வருகிறது.
ஆனால், ரூ. 1400 கோடி வரை வசூலித்து பலரையும் ஆச்சரியப்படுத்தியுள்ளது. குறிப்பாக, அல்லு அர்ஜுன் மற்றும் ஃபஹத் ஃபாசிலுக்கு இடையேயான வசனங்கள் ரசிகர்களிடம் வைராகியுள்ளன.
மிக குறைவான நாள்களில் இந்த சாதனையைப் அடைந்ததுடன் சில பிரம்மாண்ட படங்களின் வசூலையும் முறியடித்துள்ளது.
இந்த நிலையில், புஷ்பா -2 திரைப்படம் நெட்ஃபிளிக்ஸில் வரும் ஜன. 9 ஆம் தேதி தமிழ், தெலுங்கு, ஹிந்தி, மலையாளம், கன்னடம் வெளியாகவுள்ளதாக தகவல்கள் தெரிவிக்கின்றன. இது தொடர்பான அதிகாரபூர்வ தகவல் விரைவில் வெளியாகும்.
