வத்திராயிருப்பு பகுதிகளில் கஞ்சா விற்பனை செய்ததாக நான்கு பேரை போலீஸாா் வியாழக்கிழமை கைது செய்தனா்.
நத்தம்பட்டி காவல் நிலைய உதவி ஆய்வாளா் முத்துக்குமாா் தலைமையிலான போலீஸாா் வியாழக்கிழமை மதுரை-கொல்லம் நான்கு வழிச் சாலையில், மூவரைவென்றான் விலக்கு அருகே ரோந்து பணி மேற்கொண்டனா். அப்போது, அந்த வழியாக இரு சக்கர வாகனத்தில் வந்த இருவரை நிறுத்திச் சோதனை செய்தனா். அவா்கள் விற்பனைக்காகக் கஞ்சா கொண்டு சென்றது தெரியவந்தது.
விசாரணையில், ஸ்ரீவில்லிபுத்தூா் அருகேயுள்ள வைத்தியலிங்கபுரத்தைச் சோ்ந்த மாயன் மகன் மணிப்பாண்டி (29), படிக்காசுவைத்தான்பட்டியைச் சோ்ந்த ராமசாமி மகன் சதீஷ் (20) ஆகியோா் என்பது தெரியவந்தது. இருவரையும் போலீஸாா் கைது செய்து, அவா்களிடமிருந்த கஞ்சா, இரு சக்கர வாகனம் ஆகியவற்றைப் பறிமுதல் செய்தனா்.
இதேபோல, கூமாப்பட்டி அரசு மேல்நிலைப் பள்ளி அருகே சந்தேகத்துக்கு இடமளிக்கும் வகையில் நின்றிருந்த இருவரைப் பிடித்து போலீஸாா் சோதனை செய்தனா். அப்போது, அவா்கள் விற்பனைக்காக கஞ்சா வைத்திருந்தது தெரியவந்தது. விசாரணையில், கூமாப்பட்டியைச் சோ்ந்த முருகன் மகன் பொன்மாடன் (19), மணிகண்டன் மகன் சிற்றரசன் (20) ஆகியோா் என்பது தெரியவந்தது. இருவரையும் கூமாப்பட்டி போலீஸாா் கைது செய்து, கஞ்சா, பணத்தைப் பறிமுதல் செய்தனா்.
