தாங்கள் வழங்கும் கடன்களுக்கான வட்டி விகிதங்களை இந்தியாவின் மிகப் பெரிய வீட்டுக் கடன் சேவை நிறுவனமான எல்ஐசி ஹவுசிங் ஃபைனான்ஸ் 25 அடிப்படை புள்ளிகள் (0.25 சதவீதம்) குறைத்துள்ளது.
இது குறித்து நிறுவனம் வெளியிட்டுள்ள செய்திக்குறிப்பில் தெரிவிக்கப்பட்டுள்ளதாவது:
ரெப்போ வட்டி விகித்தை ரிசா்வ் வங்கி அண்மையில் குறைத்துள்ளது. அதன் அடிப்படையில், நிறுவனம் வழங்கும் வீட்டுக் கடன்களுக்கான வட்டி விகித்தில் 25 அடிப்படைப் புள்ளிகள் குறைக்கப்பட்டுள்ளன.
ஏப். 28 முதல் அமலுக்கு வந்துள்ள இந்த புதிய வட்டி விகிதங்கள் 8 சதவீதம் முதல் தொடங்குகின்றன. இந்த வட்டி விகிதக் குறைப்பின் பலன் புதிய வாடிக்கையாளா்கள் மட்டுமின்றி, ஏற்கெனவே வீட்டுக் கடன் பெற்றுள்ள வாடிக்கையாளா்களுக்கும் கிடைக்கும் என்று அந்த செய்திக்குறிப்பில் தெரிவிக்கப்பட்டுள்ளது.
