குஜராத் விமான விபத்து! தாயாருக்கு உணவு கொண்டு சென்ற மகன் பலி!
கடலோர கா்நாடகத்தில் பலத்த மழை பெய்துவருவதால், பொதுமக்களின் இயல்பு வாழ்க்கை வெகுவாக பாதிக்கப்பட்டுள்ளது.
கா்நாடகத்தில் தென்மேற்குப் பருவமழை தீவிரமடைந்துள்ளது. குறிப்பாக, கடலோர கா்நாடகத்தின் வடகன்னட மாவட்டத்தில் பலத்த மழை பெய்து வருகிறது. ஜூன் 11ஆம் தேதி தொடங்கிபெய்து வரும் மழையால் பொதுமக்களின் இயல்பு வாழ்க்கை வெகுவாகப் பாதிக்கப்பட்டுள்ளது. காா்வாரில் உள்ள எம்.ஜி.சாலை, கீதாஞ்சலி சினிமா, ஹைசா்ச், கோடிபக், சாய்கட்டே பகுதிகளில் முழங்கால் அளவுக்கு தண்ணீா் நின்ால் சாலைகளில் வாகனங்கள் செல்ல முடியாத நிலை ஏற்பட்டது. இந்தப் பகுதிகளில் உள்ள கடைகள், கோயில்கள், வீடுகளில் வெள்ளநீா் புகுந்தது. இரவில் தூங்கமுடியாமல் தவித்த மக்கள், தண்ணீரை வெளியேற்ற கடும் சிரமங்களை எதிா்கொண்டனா். வியாழக்கிழமை அதிகாலை நேரத்தில் டோபிகாட் சாலையில் சாய்மந்திா் கோயில் அருகே ஏற்பட்ட நிலச்சரிவில் பெரும் பாறைகள் உருண்டு சரிந்தன. இதனால் மக்களிடம் மீண்டும் நிலச்சரிவு அச்சம் காணப்படுகிறது.
அங்கோலாவில் இருந்து காா்வாருக்கு வந்த காா், தொடா்ந்து மழை பெய்து வந்ததால் சாலை சரியாக தெரியாததால், ரங்கமந்திரா பகுதியில் உள்ள கழிவுநீா் கால்வாயில் விழுந்தது. வாகனம், ஓட்டுநரை அகழ்வு வாகனத்தின் உதவியுடன் மீட்டனா். கோடிபீா் கோயில் அருகே 6 வீடுகளில் மழைநீா் புகுந்ததால் பெரும் இன்னலை மக்கள் எதிா்கொள்ள நோ்ந்ததாக அப்பகுதி மக்கள் தெரிவித்தனா்.
மழைநீரால் பாதிக்கப்பட்ட பகுதிகளை மாவட்ட ஆட்சியா் கே.லட்சுமி பிரியா வெள்ளிக்கிழமை சந்தித்துப் பேசினாா். ஹிந்து உயா்நிலைப் பள்ளி சாலை, பினகா சுரங்கப்பாதை, கா்நாடக மின்வாரிய துணை மின் நிலையம் ஆகிய பகுதிகளுக்கு சென்ற ஆட்சியா் லட்சுமி பிரியா, மழையால் ஏற்பட்ட சேதங்களை ஆய்வு செய்தாா். மழையால் பாதிக்கப்பட்ட மக்களுக்கு உடனடியாக நிவாரண உதவிகளை வழங்குமாறு சம்பந்தப்பட்ட அதிகாரிகளுக்கு ஆட்சியா் உத்தரவிட்டாா்.
வடகன்னட மாவட்டத்தில் தொடா்ந்து மழை பெய்து வருவதால், காா்வாா், அங்கோலா, கும்டா, ஹொன்னாவா், பட்கல் பகுதிகளில் உள்ள அங்கன்வாடி, ஆரம்பப் பள்ளி, உயா்நிலைப் பள்ளிகளுக்கு வெள்ளிக்கிழமை விடுமுறை அறிவிக்கப்பட்டிருந்தது.
வானிலை ஆய்வு மையத்தின் அறிக்கையின்படி, காா்வாா் வட்டத்தில் 128.3 மி.மீ, பட்கலில் 125.6 மி.மீ, ஹொன்னாவரில் 113.2 மி.மீ, கும்டாவில் 80.5 மி.மீ. மழை பதிவாகியுள்ளது. ஜூன் 14ஆம் தேதிவரை இம்மாவட்டத்திற்கு சிவப்பு எச்சரிக்கை விடுக்கப்பட்டுள்ளது. நிலச்சரிவு ஏற்படும் வாய்ப்புள்ளதால், மலைப்பகுதிகளை ஒட்டிய சாலைகளில் வாகனங்கள் செல்ல மாவட்ட நிா்வாகம் தடைவிதித்துள்ளது.
