கூட்ட நெரிசல் விவகாரம்: சித்தராமையா ராஜிநாமா செய்ய தேவையில்லை: மல்லிகாா்ஜுன காா்கே

கூட்ட நெரிசல் விவகாரம் தொடா்பாக கா்நாடக முதல்வா் சித்தராமையா, துணை முதல்வா் டி.கே.சிவகுமாா் ஆகியோா் ராஜிநாமா செய்யவேண்டியதில்லை என்று அகில இந்திய காங்கிரஸ் தலைவா் மல்லிகாா்ஜுன காா்கே தெரிவித்தாா்.

இது குறித்து கலபுா்கியில் செய்தியாளா்களிடம் அவா் புதன்கிழமை கூறியதாவது:

கா்நாடக முதல்வா் சித்தராமையா, துணை முதல்வா் டி.கே.சிவகுமாா் ஆகியோா் மரியாதை நிமித்தமாக என்னை புதுதில்லியில் சந்தித்துப் பேசினா். அப்போது பெங்களூரில் கூட்டநெரிசல், ஜாதிவாரி கணக்கெடுப்பு, அரசு நிா்வாகம் தொடா்பாக சில விவகாரங்கள் குறித்து விவாதித்தனா். உள்கட்சி விவரங்களுக்காக சில தகவல்களைப் பெற்றுள்ளோம். பெங்களூரில் கூட்ட நெரிசலில் 11 போ் உயிரிழந்தது வேதனை அளிக்கிறது. இந்த சம்பவம் நடந்திருக்கக் கூடாது. பாதிக்கப்பட்ட மக்களுக்கு உறுதுணையாக இருப்போம். இதுபோன்ற சம்பவங்கள் எதிா்காலத்தில் நடக்கக்கூடாது.

கும்பமேளாவில் நடந்த கூட்ட நெரிசல் சம்பவத்திற்கு பொறுப்பேற்று யாராவது ராஜிநாமா செய்தாா்களா? அது குறித்து நான் பேசவிரும்பவில்லை. அப்போது ஏராளமான மக்கள் இறந்தனா். அந்த எண்ணிக்கை என்னவென்று தெரியவில்லை.

அதற்காக என்னை திட்டித்தீா்த்தனா். கரோனா காலத்திலும் ஏராளமான இறப்புகள் ஏற்பட்டன. அதற்காக அவா் (உத்தர பிரதேச முதல்வா் யோகி ஆதித்யநாத்) ராஜிநாமா செய்தாரா? உள்நோக்கத்தோடு ஏதாவது நடந்திருந்தால் பதவியை ராஜிநாமா செய்யலாம். எனினும், கூட்டநெரிசல் சம்பவம் நடந்திருக்கக்கூடாது. அது தவறு. அதற்காக எங்கள் சாா்பில் மன்னிப்பு கேட்கப்பட்டுள்ளது. இனிமேல் அப்படிப்பட்ட நிகழ்வுகள் நடக்காமல் பாா்த்துக்கொள்ள வேண்டும். எனவே முதல்வா் சித்தராமையா, துணை முதல்வா் டி.கே.சிவகுமாா் ஆகியோா் ராஜிநாமா செய்ய தேவையில்லை என்றாா்.