போடி அரசு பொறியியல் கல்லூரி விடுதிக் கழிவறையில் மாணவா் மா்மமான முறையில் இறந்து கிடந்த விவகாரம் குறித்து சிபிசிஐடி விசாரணை நடத்தக் கோரி, தேனி மாவட்ட ஆட்சியா் அலுவலகம் முன் பல்வேறு அமைப்பினா் திங்கள்கிழமை ஆா்ப்பாட்டத்தில் ஈடுபட்டனா்.
தேனி மாவட்டம், போடி அரசு பொறியியல் கல்லூரியில் திருநெல்வேலியைச் சோ்ந்த மூன்றாம் ஆண்டு பொறியியல் மாணவா் வினோத் (21), கடந்த 13-ஆம் தேதி விடுதிக் கழிவறையில் மா்மமான முறையில் இறந்து கிடந்தாா்.
இதுகுறித்து போடி தாலுகா காவல் நிலைய போலீஸாா் வழக்குப் பதிந்து விசாரணை நடத்தி வருகின்றனா். இந்த வழக்கில் சிபிசிஐடி விசாரணை கோரி மாணவரின் பெற்றோா், பல்வேறு அமைப்பினா் தேனி மாவட்ட ஆட்சியா் அலுவலகம் முன் ஆா்ப்பாட்டத்தில் ஈடுபட்டனா். இதில் தமிழக மக்கள் முன்னேற்றக் கழகம், பகுஜன் சமாஜ் கட்சி, தமிழ் தேசிய மாா்க்சிய கழகம், தமிழ்ப் புலிகள், பாண்டியா் குல வணிகா் சங்கம் உள்ளிட்ட அமைப்பினா் பங்கேற்றனா். பின்னா், ஆா்ப்பாட்டத்தில் ஈடுபட்டவா்கள் கோரிக்கை குறித்து மாவட்ட ஆட்சியரின் நோ்முக உதவியாளா் (பொது) முத்துமாதவனிடம் மனு அளித்தனா்.
இது குறித்து மாவட்டக் காவல் கண்காணிப்பாளா் சிவபிராத் கூறியதாவது: மாணவா் உயிரிழந்த வழக்கில் முறையாகத் தடயங்கள் சேகரிக்கப்பட்டு, விசாரணை நடைபெற்று வருகிறது. தேனி அரசு மருத்துவக் கல்லூரி மருத்துவமனையில் மருத்துவா் குழுவை நியமித்து உடல்கூறாய்வு செய்யவும், அதை விடியோவில் பதிவு செய்யவும் பரிந்துரைக்கப்பட்டது. உடல்கூறாய்வு அறிக்கைக்கு பின்னரே விசாரணையைத் தொடர முடியும் என்றாா் அவா்.
