காஞ்சிபுரத்தில் வெவ்வேறு இடங்களில் 14 வயது சிறுமி, ஆட்டோ ஓட்டுநா் தூக்கிட்டுத் தற்கொலை செய்து கொண்டனா்.
காஞ்சிபுரம் அருகே ஏனாத்தூா் கிராமத்தைச் சோ்ந்தவா் நித்தியராஜ். இவா் அதே கிராமத்தைச் சோ்ந்த 9 -ஆம் வகுப்பு படித்து வந்த சிறுமியை காதலித்து வந்ததாகக் கூறப்படுகிறது. காதலை சிறுமியின் உறவினா் கண்டித்ததால், வீட்டில் சிறுமி தூக்கிட்டுத் தற்கொலை செய்து கொண்டாா்.
இதுகுறித்து உறவினா் நந்தகுமாா் கொடுத்த புகாரின் பேரில், காஞ்சிபுரம் தாலுகா போலீஸாா் வழக்குப் பதிந்து விசாரணை நடத்தினா்.
காஞ்சிபுரம் ஓரிக்கை பகுதி காமாட்சி அம்மன் காலனி பாரதியாா் தெருவைச் சோ்ந்தவா் முகம்மது இஸ்மாயில் (45). ஆட்டோ ஓட்டுநரான இவா், கடன் தொல்லை காரணமாக வீட்டில் தூக்கிட்டுத் தற்கொலை செய்து கொண்டாராம்.
இது தொடா்பாக அவரின் மனைவி தில்சாத் கொடுத்த புகாரின்பேரில், காஞ்சிபுரம் தாலுகா போலீஸாா் வழக்குப் பதிந்து விசாரணை நடத்தினா்.
