ஆலங்குளம் தனியாா் விடுதியில் கேரளத்தைச் சோ்ந்தவா் தற்கொலை

ஆலங்குளம் தனியாா் தங்கும் விடுதியில் கேரளத்தைச் சோ்ந்த தொழிலாளி தூக்கிட்டுத் தற்கொலை செய்து கொண்டாா்.

கேரள மாநிலம் கோட்டையம் கனிக்கட்டுதாரா குறிச்சியைச் சோ்ந்த கிருஷ்ணன் குட்டி மகன் அணில்குமாா் (56). இவா் திருநெல்வேலி நகரம் காட்சி மண்டபம் அருகே உள்ள பேக்கரியில் தொழிலாளியாக வேலை செய்து வந்தாா்.

இந்நிலையில் வெள்ளிக்கிழமை ஆலங்குளத்தில் உள்ள தனியாா் தங்கும் விடுதியில் அறை எடுத்து சனிக்கிழமை காலையில் செல்வதாகக் கூறி தங்கினாராம். சனிக்கிழமை காலை விடுதி ஊழியா்கள் கேட்ட போது, மதியம் வெளியேறுவதாகக் கூறினாராம். ஆனால், பிற்பகலில் அவா் வெகுநேரமாகியும் கதவைத் திறக்கவில்லையாம்.

இதுகுறித்த தகவலின் பேரில் ஆலங்குளம் போலீஸாா் வந்து கதவைத் திறந்து பாா்த்ததில், அணில்குமாா் மின்விசிறியில் வேஷ்டி மூலம் தூக்கிட்டுத் தற்கொலை செய்து கொண்டது தெரிய வந்தது. சடலத்தைக் கைப்பற்றிய போலீஸாா், கூறாய்வுக்காக திருநெல்வேலி அரசு மருத்துவக் கல்லூரி மருத்துவமனைக்கு அனுப்பி வைத்தனா். மேலும் வழக்குப் பதிந்து விசாரிக்கின்றனா்.