சீட் கேட்டு தனியாா் கல்லூரி நிா்வாகிகளுக்கு மிரட்டல்: புரட்சிபாரதம் கட்சி பிரமுகா் கைது

தண்டலம் பகுதியில் இயங்கி வரும் தனியாா் கல்லூரியில் பிஎஸ்சி நா்சிங் சீட் கேட்டு நிா்வாகிகளை மிரட்டியதாக புரட்சி பாரதம் கட்சியின் ஸ்ரீபெரும்புதூா் ஒன்றியச் செயலா் கோபிநாத்தை ஸ்ரீபெரும்புதூா் போலீஸாா் கைது செய்து சிறையில் அடைத்தனா்.

காஞ்சிபுரம் மாவட்டம், ஸ்ரீபெரும்புதூா் அடுத்த தண்டலம் பகுதியைச் சோ்ந்தவா் கோபிநாத் (41) (படம்). புரட்சி பாரதம் கட்சியின் ஸ்ரீபெரும்புதூா் ஒன்றியச் செயலாளராக உள்ளாா். இந்த நிலையில், கோபிநாத், தண்டலம் பகுதியில் இயங்கி வரும் தனியாா் கல்லூரியில் பிஎஸ்சி நா்சிங் சீட் கேட்டும், கல்லூரியில் நடைபெற்று வரும் கட்டுமான பணிகளை மேற்கொள்ள தனக்கு ஒப்பந்தம் வழங்க வேண்டும் எனவும் கூறி கல்லூரி நிா்வாகிகளை மிரட்டியதாக கல்லூரி நிா்வாகத்தின் சாா்பில் ஸ்ரீபெரும்புதூா் காவல் நிலையத்தில் புகாா் தெரிவிக்கப்பட்டது. புகாரின்பேரில், ஸ்ரீபெரும்புதூா் போலீஸாா் வழக்குப் பதிந்து கோபிநாத்தை கைது செய்து சிறையில் அடைத்தனா்.